लिलि कुँवर भाद्र १४ महेन्द्रनगर । स्थानिय तहले ह्वात्तै कर बढाएको भन्दै देश भरी नै आलोचनाको विषय बनिरहँदा कंचनपुर जिल्लाको बेदकोट नगरपालिकाले भने एकीकृत सम्पति करको दरलाई चालु आर्थिक बर्षदेखि लागु हुने गरि ८० % प्रतिशत घटाएको छ । बेदकोट नगरपालिकाका प्रमुख अशोक कुमार चन्दले एकीकृत सम्पति कर गतबर्षको तुलनामा भन्दा एक चौथाई मात्र कर दिने व्यवस्था गरेको  बताए ।

बेदकोट नगरपालिकाले स्थानिय बासीहरुको आवश्यक्तालाई हेरी विगतका वर्षहरुमा १ हजार मूल्य बराबरको सम्पतिमा २५ पैसा कर लिने गरेकोमा चालु आर्थिक बर्षदेखि ५ पैसा मात्र तिर्नु पर्ने व्यवस्था गरेको छ । नगर प्रमुख चन्दले नगरका स्थानिय वासीहरुलाई कुनै पनि किसिमको मार्का नपरोस भन्नका लागि उनीहरुको भावना अनुरुप कर निर्धारण गरेको बताउनु भयो । नगरपालिकाले जन्म, मृत्यु तथा बसाँई सराई दर्ता र नाबालक परिचय सिफारिस गर्दा निःशुल्क गर्ने निर्णय पनि नगरपालिकाले गरेको छ । ज्येष्ठ नागरिक, अपाङ्गता भएका, एकल महिला परिवार र शहिद परिवार सदस्यको सामाजिक सुरक्षा सम्बन्धी निवेदनमा कुनै दूस्तुर नलाग्ने व्यवस्था गरेको पनि नगरप्रमुख चन्दले बताउनु भयो । स्थानिय नगरवासीलाई उत्पादनसंग जोडेर व्यवसाय प्रवद्र्धनमा जोडदिनका लागी कर घटाईएको पनि उहाँले बताउनु भयो । त्यस्तै गरि शहिद परिवार, जनआन्दोलनमा घाईते र राष्ट्रिय तथा अन्र्तराष्ट्रिय खेलाडीका लागी नगरबाट दिने सबै सेवा निःशुल्क दिने ब्यवस्था गरेको बेदकोट नगरपालिकाले नगरप्रमुख अशोक कुमार चन्दले बताउनु भयो