राष्ट्रिय भेलामा समूहगत प्रस्तुतीकरण, प्रदेशगत छलफल तथा व्यापक सुझाव संकलनपछि ती सुझावलाई समेटेर अन्तिम रूप दिने गरी हलबाट पाँचवटा प्रस्ताव मात्र पारित भएको जानकारी आएको छ।

त्यसैले यस भेलालाई नेता चुन्ने, कसैलाई नेता घोषणा गर्ने वा कसैलाई गाली–गलौज गर्ने भेला का रूपमा बुझ्नु उपयुक्त हुँदैन।
यो मूलतः पार्टीभित्रको संवाद,सुझाव,आत्मसमीक्षा र एकताको वातावरण निर्माण गर्ने उद्देश्यले आयोजित भेला हो।
तर एउटा स्वाभाविक प्रश्न भने उठ्छ—
यदि यो नेता छान्ने वा नेतृत्व घोषणा गर्ने भेला होइन भने,हलबाट पारित प्रस्तावका आधारमा कोही नेता चुनिएको छ त?छैन ।
त्यसैले अहिलेको आवश्यकता व्यक्तिगत आरोप–प्रत्यारोप, गालीगलौज वा आफूखुसी नेतृत्व घोषणा गर्नु होइन; विधि,विधान, लोकतान्त्रिक प्रक्रिया र पार्टी एकतालाई केन्द्रमा राख्नु हो।
आज देशैभरिबाट देखिएको उत्साहजनक सहभागिता र प्रतिनिधिहरूको सक्रियतालाई हेर्दा यसलाई
‘एकता भेला’ र आगामी दिनमा ‘एकता सम्मेलन’ का रूपमा अघि बढाउनु नै सबैभन्दा उपयुक्त र सकारात्मक बाटो हुन सक्छ।
पदभन्दा ठूलो पार्टी,
व्यक्तिभन्दा ठूलो विधि,
विवादभन्दा ठूलो एकता।
एकताबाटै कांग्रेस बलियो हुन्छ।
एकता नै आजको आवश्यकता हो। 🇳🇵