खेम राज खनाल विराटनगर २५ साउन  । कोशी प्रदेश प्रहरी कार्यालय विराटनगरको सभाहलमा साउन २५ गते “मर्यादापालकको दक्षता अभिवृद्धि अनुशिक्षण” तालिम प्रथम समूहको समुद्घाटन भएको छ । कोशी प्रदेश प्रहरी कार्यालय विराटनगरका प्रहरी वरिष्ठ उपरीक्षक योगेन्द्र सिंह थापाको प्रमुख आतिथ्यतामा उक्त तालिमको समुद्घाटन भएको हो ।

तालिम समुद्घाटन पश्चात कार्यक्रमलाई सम्बोधन गर्नु हुँदै प्रमुख अतिथि थापाले विशिष्ट व्यक्ति, महत्वपुर्ण प्रतिष्ठान तथा संसद भवनमा परिचान हुने प्रहरी कर्मचारीहरु आफैमा मर्यादित हुनुपर्ने भएकाले प्रहरी कर्मचारीहरुको दक्षता अभिबृद्धी गर्ने उदेश्यले उक्त तालिम संचालन गरिएको बताउनु भयो । साथै तालिम संयोजक प्रहरी निरीक्षक गजेन्द्र रायाले तालिम सम्बन्धी प्रतिबेदन पेश गर्नु भएको थियो ।

कार्यक्रममा कोशी प्रदेश सभा सचिवालयका शान्ति सुरक्षा महाशाखा प्रमुख उप-सचिव अर्जुन घिमिरेले शुभकामना सहितको मन्तब्य राख्नु भएको थियो । ५ कार्य दिनको उक्त तालिममा कोशी प्रदेश अन्तरगतका प्रहरी कार्यालयहरुमा कार्यरत २५ जना प्रहरी कर्मचारीहरुको सहभागिता रहेको थियो ।केहि तस्विरहरुः