रमित बि.क., बाजुरा । प्रतिनिधि सभाका सदस्य सांसद लाल बहादुर थापाले जिल्ला रहेको छाउपडी कुप्रथा हटाउनका लागि सबैले लाग्न आग्रह गरेका छन् । सोमबार गौमुल गाउँपालिकामा आयोजना गरिएको एकिकृत गरिएको एकिकृत घुम्ति शिविरको उद्घाटन गदैँ उहाँले यस्तो बताएका हुन् ।
आफु छाउपडी कुप्रथाका बिरुद्ध सदनदेखि सडक सम्म आफु लागिरहेकोले यसको अन्त्य गरी समुन्नत समाजको निमार्ण गर्ने सबैले लाग्ने अनुरोध गरे ।
परम्परागत जनविश्वासका कारण यस्ता महिलालाई छोएको खण्डमा वा कुनै लसपस भएमा अशुद्ध हुने भएकाले छोए पनि सुनपानीको छिटो हाल्ने, गहुँत खुवाउने, घरका कुलदेवता चोख्याउने जस्ता कुप्रबृतिको अन्त्य गर्ने महाअभियानकै रुपमा अब आफु लागेको बताएका छन् ।

प्राचीनकालदेखि चलिआएको परम्परालाई लत्याएर महिलाहरू महिनावारी तथा सुत्केरी भएको अवस्थामा छुईछाई गरेमा, घरका कुलदेवता रिसाउने र परिवारमा हानी नोक्सानी पुग्ने, शरीर सुक्दै जाने, अन्नबाली नफल्ने जस्ता अन्धविश्वासको अब जरै उखेल्ने गरी आफुहरु जिल्लामा प्रस्तुत हुने बताए ।
एक अर्का प्रसंङ्गमा बोल्दै सांसद थापाले जिल्लाको विकासका लागि सबैले जिम्मेवार भएर लाग्नुपर्नेमा जोड दिए । गौमुल गाउँपालिकाले गरेका कामहरुको प्रसंसा गदैँ उहाँले अझै सुन्दर र संकल्पित भएर काम गर्ने सुझाव दिए ।