भलिबल र नेट वितरण
प्रकाश बम, डोटी । जिल्ला भलिवल संघ डोटीले मंगलवार पुर्विचौकि गाउँपालिकामा रहेका माध्यमिक बिद्यालयलाई भलिवल र नेट वितरण गरेको छ । गाउँपालिकामा रहेका आठ वटा माध्यमिक विद्यालयलाई प्रति विद्यालय दुई भलिवल र एक नेट बितरण गरेको हो ।
खेलकुद क्षेत्रमा राहात पुग्छ ः अध्यक्ष बोगटी
भलिवल वितरण कार्यक्रममा वोल्दै पुर्वि चौकि गाउँपालिका अध्यक्ष दिर्घ वोगटीले यसले खेलकुद क्षेत्रमा केहि राहात पुग्ने बताए । भलिवल संघले जिल्लाका सवै माध्यमिक बिद्यालयलाई भलिवल नेट विरतरण गर्ने कार्यले भलिवलका क्षेत्रमा केहि उर्जावान खेलाडी जन्मीने बिश्वास व्यक्त गर्नु भयो ।
भलिवल संघ डोटीले मंगलबार पुर्वि चौकि गाउँपालिकामा रहेका शिशुसुधारा माध्यामिक विद्यालय गाजरी, काडामाण्डौ मावि काडामाडौ, दुर्गा मावि जोशिगाउँ ,मष्टामाण्डौ मावि पोखरी, नेत्रेश्वरी मावि कुडासैन, साजेन्द्र श्वर उमावि फुलौट र सरस्वतिमावि सानागाउलाई वितरण गरेको अध्यक्ष दिपक वोगटीले बताए । जिल्लाका सवै माध्यमिक विद्ययालयमा भलिवल र नेट वितरण वितरण पछि माध्यमिक विद्यालय स्तरीय भलिवल प्रतियोगिता गर्ने योजना रहेको अध्यक्ष वोगटीले बताए ।
त्यस्तै ३२ औँ राष्ट्रिय भलिवल प्रतियोगिता डोटीमा गर्ने केन्द्रको निर्णय अनुसार तयारी भईरहेको समेत अध्यक्ष वोगटीले बताए । भलिवल बितरण कार्यक्रममा पुर्वि चौकि गाउँपालिकाका उपाध्यक्ष निर्मला साउद, वडा— २ का वडा अध्यक्ष योगेन्द्र ठकुल्ला, वडा— ३ का वडा अध्यक्ष अमर चयडा, नेपाल पे्रश युनियन डोटीका अध्यक्ष प्रकाश बम,डोटी उद्योग वाणिज्य महासंघका निर्वतमान अध्यक्ष नरेन्द्र खड्का, शिक्षक,पत्रकार लगायतको उपस्थिति रहेको थियो ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया