डोटी । एफएमडिसीले डोटीको केआईसिंह गाउपालिकामा गरेको पैरबी कार्य सफल भएको छ । केआईसिंह गाउपालिकाको वडा नं. ५ स्थित सामुदायिक बिद्यालयका बिद्यार्थीहरुको स्वास्थ्य परिक्षण गर्ने सवालमा गरिएको पैरबी फागुन २३ गतेबाट गाउपालिकाले कार्यान्वयन गरेको छ ।
बिहीबार वडा नं. ५ स्थित भूवनेश्वरी माबि र दुर्गा प्राबिका एक सय ९२ जना बिद्यार्थीहरुको स्वास्थ्य परिक्षण गरेर अभियानको सुरुवात भएको छ । अभियानको उद्घाटन गाउपालिकाका अध्यक्ष लोकेन्द्र शाहीले गरेका छन् । स्वास्थ्य परिक्षणमा केआईसिंह गाउपालिकाले एमबिबिएस डाक्टर राजु गुरुङ्गको नेतृत्वमा स्वास्थ्यकर्मीहरुको टोली खटाएइको छ ।
स्वास्थ्य परिक्षणमा बिद्यार्थीहरुको उचाई , तौल लिनुका साथै कान, नाक, घाटी, दाँत लगायतको स्वास्थ्य परिक्षण गरिएको डा. गुरुङ्गले जानकारी दिए । एक सय ९२ मध्य ५१ जनाको दाँत,२० जनाको कान, ५ जनाको आखामा समस्या रहेको भेटिएको थियो ।

स्वास्थ्य परिक्षणमा बिद्यार्थीहरुको उमेरका आधारमा स्वास्थ्य अवस्था कस्तो छ भनेर समेत परिक्षण गरिएकोमा ३१ जना बिद्यार्थी ख्याउटे फेला परेको स्वास्थ्य इकाई संयोजक तिल बहादुर बोहराले जानकारी दिए ।
गाउँपालिका अध्यक्ष लोकेन्द्र शाहीले स्वास्थ्य परिक्षणका क्रममा कमजोर आखा भएका बिद्यार्थीहरुलाई चश्मा बितरण, बिद्यालयहरुलाई प्राथमिक स्वास्थ्य उपचार सामाग्रि र छात्राहरुका लागि सेनेटरी प्याड समेत बितरण गरेका थिए ।
एफएमडिसीद्धारा संचालीत पारस्परिक जवाफदेहिता परियोजनाले सामुदायिक बिद्यार्थीहरुको स्वास्थ्य परिक्षणका लागि पैरबी गरेपछि गाउपालिकाले चालु आर्थिक बर्षको निती तथा कार्यक्रममा सो योजना राखेको थियो । फागुन २६ गते केआईसिंह ५ रानागाउ स्थित सरस्वती माबि र मष्टेश्वर आबिका बिद्यार्थीहरुको स्वास्थ्य परिक्षण हुन गइरहेको छ ।