मंगलसेन नगरपालिकाको ६ नम्बर वडाले शनिबार पनि सेवा शुरु गर्यो
"वडा बासिहरु सनिवार पनि सेवा पाउँदा खुशी "

सुर्य ढुँगाना मँगलसेन १६ भाद्र । अछाम जिल्लाको मंगलसेन नगरपालिकामा रहेको वडा नम्बर ६ ले शनिबारबाट समेत सेवा प्रवाह गर्न थालेको छ । नागरिकलाई सरकारी सेवा सहज बनाउन हरेक शनिबार बिहान १० बजेबाट २ बजेसम्म सेवाग्राहीले वडा कार्यालयबाट सेवा लिन थालेका छन् ।

शनिबारमा पहिलो दिन खुलेको वडा कार्यालयबाट ३० जना सेवाग्राहीले सेवा लिएको वडा अध्यक्ष जनकराज भण्डारीले जानकारी दिए । नागरिकता, बैंकमा खाता खोल्न लगायतका विभिन्न ३० वटा सिफारिसहरु गरिएको वडा अध्यक्ष भण्डारीको भनाइ छ । अन्य सरकारी कामका लागि भने आइतबार पर्खिनुपर्ने छ ।

अन्य दिन अरु काममा व्यस्त भइ वडाको सेवा लिन नपाएका व्यक्तिहरुको सहजताका लागि शनिबार समेत वडा कार्यालय खुला गरिएको वडा अध्यक्ष भण्डारीको भनाइ छ । वडा कार्यालय शनिबार खोल्ने वडा कार्यपालिकाको निर्णय अनुसार सेवा दिइएको वडा सदस्य भावना विकको भनाइ छ । उक्त वडा मंगलसेन नगरपालिकाको अन्य वडा भन्दा नागरिकमैत्रीमा अगाडी भएको दाबी गरिन्छ । शनिबारबाट समेत सेवा प्रवाह गर्न थालेको छ । नागरिकलाई सरकारी सेवा सहज बनाउन हरेक शनिबार बिहान १० बजेबाट २ बजेसम्म सेवाग्राहीले वडा कार्यालयबाट सेवा लिन थालेका छन् ।

१६ भाद्र २०७५, शनिबार १२:२९ | मा प्रकाशीत

"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक