रमित बि.क., बाजुरा । लघुबित्त उद्यम विकास सम्बन्धि युवाहरुका लागि ५ दिने तालिम सदुरमुकाम मार्तडीमा आईतबारबाट सुरु भएको छ । पिसविन बाजुरा, युवा सशतिmकरण बुल्गारी परियोजना तथा सेभ द चिल्ड्रेन बडिमालिका नगरपालिका एवंम घरेलु तथा साना उद्योग विकास बाजुरा संगको समन्वयमा तालिम सञ्चालन गरिएको हो ।

बेरोजगार युवाहरुलाई तालिम दिई आत्मनिर्भेर बनाई बिदेश नभई स्वदेशमै रोजगारी सिर्जना गर्ने उद्देश्य सहित तालिम सञ्चालन गरिएको सेभ द चिल्डेनका प्रेम बहादुर पुनले बताए ।

सिकेका कुरा ब्यवहारमा उतारौँ ः उप-प्रमुख बिष्ट

तालिमको उद्घाटन गर्दै बडिमालिका नगरपालिकाका उपप्रमुख कविता बिष्टले तालिम एउटा लाईनमा मात्र ल्याउने प्रक्रिया भएकाले तालिमबाट सिकेका कुराहरु व्यवहारमा ल्याउन आग्रह गरिन् । नगर क्षेत्रमा रहेको बेरोजगार युवाहरुका लागि नगरपालिकाले बिशेष कार्यक्रमहरु सञ्चालन गरिरहेकोले नगर क्षेत्र भित्रका सम्पूर्ण युवाहरुले समुह बनाई उद्योग सञ्चालन गर्ने प्रक्रियामा आए नगरपालिका सहयोग गर्ने तयार रहेको बताए ।

कार्यक्रममा बोल्दैँ रेडियो बाजुराका सञ्चालन समितिका अध्यक्ष सामाजिक अभियान्त एवंम मानव अधिकार एअरलाईन्सका केन्द्रिय उपाध्यक्ष लाल बहादुर ओलीले तालिम प्राप्त गरेर मात्र नहुने हुदाँ युवाहरु सफल उद्यमी भई देखिन अनुरोध गरे । उनले पछिल्लो समयका युवामा कर्म नगर्ने प्रबृति बढी देखिएकोले तालिममा सिकेका कुराहरुलाई मुनाफा लिने गरी आत्मनिर्भेर बन्न सुझाव दिनुभएको छ । सरकारी तथा गैरसकारी संघ संस्थाले तपाईहरुका लागि आत्मनिर्भेर बन्नका लागि धेरै लगानी गरिरहेकोले लगानी अनुसारको प्रतिफल प्राप्त गर्ने अनुरोध गरे ।

कार्यक्रममा बडिमालिका नगरभित्रका ३५ बढीको युवा तथा युवतीहरुको सहभागिता रहेको छ । तालिम आजबाट करिव ५ दिन सम्म सञ्चालन हुने भएको छ । रेडियो बाजुराको तालिम हलमा आयोजना गरिएको तालिमको अध्यक्षता पिसविन कार्यक्रम प्रबन्धक जुद्ध रावल रहेका छन् ।
कार्यक्रममा बडिमालिका नगरपालिकाका उपप्रमुख कविता बिष्ट, रेडियो बाजुराका सञ्चालन समितिका अध्यक्ष सामाजिक अभियान्त एवंम मानव अधिकार एअरलाईन्सका केन्द्रिय उपाध्यक्ष लाल बहादुर ओली,घरेलुका पदम ऐर, सेभ द चिल्ड्रेनका प्रेम बहादुर पुन लगायतको सहभागिता रहेको थियो । पिसविन परियोजना संयोजक धर्म बहादुर रोकायाले सञ्चालन गरेको तालिमको घरेलु तथा साना उद्योग विकास समितिका पदम ऐर, सेभ द चिल्ड्रेनका प्रेम बहादुर पुन,पिसविन परियोजना अधिकृत धर्म बहादुर रोकाया,खडक जैशीले सहजीकरण गरिरहेका छन् ।