मञ्जु कल्याल, दार्चुला । दार्चुल्लामा रहेको नौगाढ गाउँपालिकाका तीन सामुदायिक विद्यालयहरुमा साझा शिक्षा ई–पाटी ल्यापटप कार्यक्रम सञ्चालन गरिएको छ । गत वर्षदेखि नै नौगाड गाउँपालिकाका तीन विद्यालयहरुमा उक्त कार्यक्रम सञ्चालन गरि शिक्षण क्रियाकलाप भइरहेको छ ।

नेपाल सरकार शिक्षा, विज्ञान तथा प्रविधि मन्त्रालय, नौगाढ गाउँपालिका र विश्व खाद्य कार्यक्रमको सहकार्यमा साझा शिक्षा ई–पाटी ल्यापटप कार्यक्रम सञ्चालन गरिएको नौगाड गाउँपालिकाका अध्यक्ष प्रेमसिँह धामीले जानकारी दिए ।

पठनपाठनमा सहज

विद्युत नभएका बेला समेत सोलार सिस्टम बाट चल्ने भएकाले पठन पाठनमा साझा शिक्षा ई–पाटी कार्यक्रमले सहज भएको शिक्षकहको अनुभव छ । प्रभावकारी शिक्षण क्रियाकलाप र प्रविधि मैत्री शिक्षणमा उक्त कार्यक्रमले टेवा पु¥याएको उनिहरुको भनाई छ । कक्षा २ देखि ५ सम्मका विद्यार्थीहरुलाई शिक्षण गर्दा सहयोग पुगेको आधारभुत विद्यालय डाडा सिप्टीका प्रधानाध्यापक रघुबिर सिहं धामीले जानकारी दिए ।

नौगाढ गाउँपालिकामा रहेको आधारभुत विद्यालय डाँडा सिप्टी, आधारभुत विद्यालय घोरकट्या र आधारभुत विद्यालय डाडा जामिरमा यो कार्यक्रम सञ्चालनमा रहेको जनाएको छ ।