मंसिंर १३ डोटी । गाउँपालिका राष्ट्रिय महासंघ नेपाल सुदूरपश्चिम प्रदेशको अध्यक्षमा डोटीको जोरायल गाउँपालिकाका अध्यक्ष दुर्गादत्त ओझा सर्वसम्मत चयन भएका छन् ।
महासंघको मंगलबार र बुधबार दुई दिनसम्म डोटीको बुडरमा आयोजित सुदूरपश्चिम प्रदेशको प्रथम अधिवेशनबाट ओझा अध्यक्ष चयन भएका हुन् ।
अधिवेशन बाटै उपाध्यक्षमा मालिकार्जुन गाउँपालिका दार्चुलाका पुष्पा अवस्थी, सचिवमा मालिकार्जुन गाउँपालिका दार्चुलाका नरेन्द्र धामी, कोषाध्यक्षमा रामारोशन गाउँपालिका अछामका सरस्वती रावल र सहसचिवमा छेडेदह बाजुराका कुन्ती साउँद बुढा चयन भएका हुन् ।

त्यस्तै अन्य सदस्यहरुमा तत्कालिन छबिस पाथीभेरा बझाङ्का अक्कलबहादुर धामी, गौमूल बाजुराका हरीबहादुर रोकाया, नवदुर्गा डडेल्धुराका कविन्द्र बिष्ट, बेल्डाँडी कञ्चनपुरका कमला कार्की र सुर्नाया बैतडीका लिला बिष्ट, जोशीपुर कैलालीका गीता कडरीया, बान्नीगढी–जयगढ अछामका राजेन्द्र खड्का र सिगास बैतडीका द्रोपती चन्द, कैलारी कैलालीका लक्ष्मी सत्गौवा रहेका छन् ।

अध्यक्ष र उपाध्यक्ष तत्कालिन नेकपा एमालेबाट निर्वाचित जनप्रतिनीधी हुन त्यस्तै गरि सचिव र सह सचिवमा नेपाली कांग्रेसबाट निर्वाचित र कोषाध्यक्षमा तत्कालिन नेकपा माओवादीबाट निर्वाचित गाउँपालिकाका जनप्रतिनिधी रहेका छन् । त्यसै गरि सदस्यहरुमा तत्कालीन नेकपा ऐमालेबाट ५ जना नेपाली काग्रेस बाट ३ जना र तत्कालिन माओबादी बाट १ जना जनप्रतिनिधी रहेका छन् ।

स्थानीय तहको अर्काे निर्वाचन नभएसम्म कार्यकाल रहने गरी महासंघको प्रदेश स्तरीय नयाँ कार्य समिति चयन भएको हो ।

महासंघको प्रथम अधिवेशनको सुदूरपश्चिम प्रदेशका मुख्यमन्त्री त्रिलोचन भट्टले मंगलबार एक कार्यक्रमका विच उद्घाटन गरेका थिए ।