मुम्बई । बलिउड अभिनेता आमिर खानले चलचित्र ‘ठग्स अफ हिन्दुस्तान’ फ्लप भएपछि सबै फिल्मको जिम्मेवारी लिएका छन् ।

आमिरले सोमबार सञ्चारकर्मीहरूसँग ‘चलचित्र ठग्स अफ हिन्दुस्तान’ दशर्कहरूलाई मन नपरेको बताए । ‘म यो कुराको पूरा जिम्मेवारी लिन चाहन्छु’, उनले भनेका छन्, ‘मलाई लाग्छ कि हामी गलत साबित भयौँ । हामीले प्रयास गर्दागर्दै पनि सफल भएनौँ । कहिँकतै हामी गलत साबित भयौँ ।’

केही यस्ता दर्शकहरू पनि थिए जसलाई ठग्स अफ हिन्दुस्तान मन परेको थियो ।

आमिरले यस्ता दर्शकलाई धन्वयाद दिँदै भने, ‘केही मानिसहरूलाई चलचित्र मन परेको छ हामी उनीहरुलाई धन्यवाद भन्न चाहन्छौँ, तर यस्ता मानिसहरू धेरै कम छन् । अधिकांसलाई चलचित्र मन परेको छैन यो कुरा हामीले राम्रोसँग बुझेका छौँ कहिँ न कहिँ हामी गलत नै थियौँ म यो कुराको सम्पूर्ण जिम्मेवारी फेरि पनि लिन चाहन्छु ।’

आमिरले भने, ‘दर्शकहरु आशाका साथ मेरो चलचित्र हेर्न आएका थिए, म उनीहरुसँग माफी माग्न चाहन्छु कि मैले उनीहरुको चाहना पूरा गर्न सकिन र मनोरञ्जन प्रदान गर्न सकेन । यो कुरामा म आफैप्रति खेद प्रकट गर्न चाहन्छु ।’

अभिताभ बच्चन, कैट्रीना कैफ आमिर खानसहितका कलाकारहरुको अभिनय रहेको चलचित्र ठग्स अफ हिन्दुस्तान ८ नोभेम्बरमा रिलिज भएको थियो ।
चलचित्रको पहिलो दिनको कमाईले रेकर्ड बनाएको थियो ।

ठग्स अफ हिन्दुस्तान २०१८ को त्यो चलचित्र बन्यो जसले रिलिजको पहिलो दिनमा सबैभन्दा बढी ५२ करोडको कमाई गर्न सफल भयो । तर त्यसपछिका दिनहरूमा यो चलचित्रले राम्रो कमाई गर्न सकेन । एजेन्सी