काठमाडौँ २४ माघ ।नेपाली तथा भारतीय वरिष्ठ कलाकार सुनिल थापाको निधन भएको छ ।  हृदयाघातका कारण आज बिहान थापाथलीस्थित नर्भिक अस्पतालमा उनको निधन भएको कलाकार संघका अध्यक्ष मोहन निरौलाले जानकारी दिए ।

शंखमुलस्थित अपार्टमेन्टमा बस्दै आएका थापा लामो समयदेखि नेपाली र भारतीय चलचित्र उद्योगमा सक्रिय थिए ।

नेपाली चलचित्रमा ‘खलनायक’ को भूमिकालाई पनि नायक सरह चर्चा र सम्मान दिलाउन सफल थापा ‘राते काइँला’ को नामले चर्चित थिए। भारतीय चलचित्रमा लामोसमयसम्म काम गरेका थापा पछिल्लो सनय नेपाल मै थिए ।  उनका परिवारका अन्य सदस्यहरू भारतको मुम्बई बस्छन् ।