धनबहादुर बिक कञ्चनपुर। आगामी मंसिर ४ गते हुने संघ र प्रदेशको निर्वाचन मिति आउन दुई साता मात्र बाँकी रहँदा कञ्चनपुर निर्वाचन क्षेत्र नम्बर १ मा चुनावि सरगर्मि बढेको छ ।

बाम लोकतान्त्रिक गठबन्धन कञ्चनपुर निर्वाचन क्षेत्र नम्बर १ प्रतिनिधि सभा सदस्य साझ उम्मेदवार पुर्व खानेपानी मन्त्री विना मगरले गठबन्धनको नेतृत्व बाहेक कसैले पनि संविधान र लोकतन्त्रको रक्षा गर्न र मुलुकमा समृद्धि स्थापित हुन असम्भव रहेको बताईन ।

पुनर्वास नगरपालिका वडा नम्बर ११ मा संयुक्त बाम लोकतान्त्रिक गठबन्धन निर्वाचन परिचालन समितिको सम्पर्क कार्यालय उद्घाटन कार्यक्रमका अवसरमा पुर्व मन्त्री मगरले सो कुरा बताएकि हुन।

सोमबार एक कार्यक्रमका विच प्रतिनिधि सभा सदस्यकी उम्मेदवार तथा पुर्व मन्त्री मगरले साविक बाईसिबिचवा गाबिस पुनर्वास नगरपालिका ११ मा बाम लोकतान्त्रिक गठबन्धनको संयुक्त निर्वाचन परिचालन समितिको सम्पर्क कार्यालय स्थापना गरेकी हुन।

सम्पर्क कार्यालय उद्घाटन गर्दै पुर्व मन्त्री विना मगरले संविधानको रक्षा, राजनीतिक स्थायित्व, दिगो विकास र सम्बृद्धिका लागि बाम लोकतान्त्रिक गठबन्धन अपरिहार्य भएको बताएकि छिन ।

चुनावी नारा सहित प्रतिबद्धता व्यक्त गर्दै जनताले जिताएर पठाएपछि जनताकै चाहना अनुसार आफु र आफ्नो टिमले काम गर्ने प्रतिबद्धता व्यक्त गरिन, प्रचार प्रसार गर्न सकेनौं त्यो बेग्लै बिषय हो तर हामीले विकासका पुर्वाधारहरू धेरै भित्र्याउन सफल भएका छौ ।

त्रिभुवनबस्ति स्वास्थ्य चौकिलाई सुविधा सम्पन्न अस्पताल बनाउन १५ सैयाको हस्पिटल निर्माणका क्रममा छ । त्यसतै पुनर्वासका मुख्य बजारलाई केन्द्रीकृत गरि ढलको योजना द्रुत गतिमा छ । यो लगायत थुप्रै ठुला योजनाहरू भित्र्याउन सफल भएका छौ । यद्यपि हामीले गरेका विकासका कार्यक्रमलाई पनि विपक्षीले आफुले गरेको गलत प्रचारबाजी गर्दै आएको उनको भनाई छ ।

ठुलो त्याग र बलिदानले ल्याएको संविधानको रक्षा, अग्रगमनको रक्षाका निम्ति निर्विकल्प बाम लोकतान्त्रिक गठबन्धनलाई बिजयी गराउनु पर्ने आवश्यक रहेको उनले भनिन । वाम लोकतान्त्रिक गठबन्धनको विजयी हुन सकेन भने मुलुकमा फेरि प्रतिगमनकारी शक्तिले शिर उठाउने मौका पाउने र लोकतन्त्र, ठुलो बलिदानीले स्थापित गरेको संविधान खतरामा पर्ने भएकोले हामी कुन कित्तामा उभिने निर्णय गर्ने बेला आएको उनको भनाई थियो ।

सोही अनुरुप क्षेत्रमा समेत उम्मेदवार चुनावी मैदानमा आएको बताउदै बाम लोकतान्त्रिक गठबन्धनका उम्मेदवारलाई जिताउन गाँउ, बस्ती घर घरमा खटिन आब्हान गर्नु भयो । कार्यक्रममा नेकपा माओवादी केन्द्रका तर्फबाट समानुपातिक उम्मेदवार रामबहादुर देउकरले प्रतिगामि पक्षलाई परास्त गर्दै लोकतन्त्रको रक्षाका निम्ति गठबन्धनको आवस्यकता भएको कुरा बताए । सम्पर्क कार्यालय उद्घाटन कार्यक्रममा कञ्चनपुर निर्वाचन क्षेत्र नम्बर १ क का प्रदेशसभा उम्मेदवार बन्धुरानाले जनता व्दारा विजयी भए पश्च्यात जनतासंग प्रत्येक्ष सम्पर्कमा रहि जनताकै चाहना अनुसार गठबन्धन विजयी उम्मेदवारसँग समन्वय गरि विकासका कार्यक्रमहरू ल्याउने प्रतिबद्धता व्यक्त गरे । बाम लोकतान्त्रिक गठबन्धनका पुनर्वास ११ का अध्यक्ष प्रेमराज भट्टराईको सभापतित्वमा भएको कार्यक्रमको सञ्चालन रामचन्द्र भट्टराईले गरेका थिए ।