रमित बि.क.बाजुरा १२ चैत । गौमुल गाउँपालिकाको घट्मुनामा आजबाट एकिकृत घुम्ति शिविर आज सम्पन्न भएको छ । सोमबारबाट सुरु भएको एकिकृत घुम्ति शिविर आज सम्पन्न भएको हो ।

गौमुल गाउँपालिकाको सहकार्यमा जिल्ला प्रशासन कार्यालय बाजुराको आयोजनामा शिविरको आयोजना गरिएको थियो ।

एकिकृत घुम्ती शिविरमा नेपाली नागरिकताको प्रमाण पत्र वितरण गर्नुका साथै अन्य सेवाहरु पनि उपलब्ध गरिएको गौमुल गाउँपालिकाका अध्यक्ष हरी बहादुर रोकायाले बताउनुभएको छ ।
शिविरमा फोटो सहितको मतदाता नामावलीमा नाम दर्ता पशु सेवा पनि प्रदान गरिएको उपाध्यक्ष सिता थापाले बताउनुभएको छ । जनताको घर दैलोमा सरकारको उपस्थिति गराई जनतालाई सर्वसुलभ र सहजरुपमा सेवा प्रवाह गर्ने उद्देश्यका साथ एकिकृत घुम्ति शिविरको आयोजना गरिएको अध्यक्ष हरी बहादुर रोकायाले बताउनुभएको छ ।

हिजो र आज गरी १ सय ४ जनाले नागरिकता र फोटो सहितको मतदाता नामावलीमा नाम दर्ता गराएको प्रमुख जिल्ला अधिकारी चेतराज बरालले बताउनुभएको छ । उहाँले सदरमुकाम नजिक भएका कारण सबैले नागरिकता लिएकोले आफुहरुले चाँहे जति सेवा ग्राहीले सेवा नलिएको बताउनुभयो ।
‘जिल्ला प्रशासन कार्यालय बाजुराको रेकर्ड अनुसार पछिल्लो समयमा ग्रामीण भेगमा सञ्चालन गरिएका शिविरहरु बाट धेरै सर्वसाधारणलाई राहात पुग्ने गरेको समेत उहाँले बताउनुभएको छ ।