लिलि कुँवर ।

महेन्द्रनगर, कञ्चनपुरर्को १३वर्षीय निर्मला पन्तको बलात्कार पछि हत्याको आरोपमा कंचनपुर प्रहरीले हिजो सोमबार का दिन पत्रकार सम्मेलन गरि हत्या गरेको अारोपमा अभियुक्तको रुपमा  कालो पट्टले मुख छोपी सार्वजनिक गरेको थियो । सो ब्यक्ति पहिले पनि अपराधिक क्रियाकलाप {हत्या} मा ९ वर्ष जेल सजाय भोगेर जेल मुक्त भएको र मानसिंक सन्तुलन गुमाएको, घरपरिवारमा पनि राम्रो सम्बन्ध नभएको, कति बेला खाने के खाने, आदि कुराको पनि होस नभएको,  ब्यक्तिलाई प्रहरीले अभियुक्तको रुपमा सार्वजनिक गर्दा  निर्मलाको हत्यामा दोषीलार्इ लुकाई उक्त निर्दाेष ब्यक्तिलाई सार्वजनिक गरेको  भन्दै कञ्सचनपुर  उद्योग व्यवसायिहरु, विद्यार्थी, नागरिक समाज, अधिकारकर्मी, स्थानियले आन्दोलन चर्कीएका थिए ।

बिहानै देखि स्थानिय महेन्द्रनगर बजार बन्द गराउनुको साथै आन्दोलन कारीहरुले प्रहरी प्रशासन विरुद्ध नारा लगाईरहेका थिए भने यातायात पनि ठप्प परेका थिए । यति लामो समय सम्म हत्यारा पत्ता लगाउन नसकेको प्रहरी प्रशासनले हिजो एककासी पत्रकार सम्मेलन गरि मानसिक रोगीलाई सार्वजनिक गरि जनतालार्इ भ्रममा पार्न खोजेको भन्दै सम्पुर्ण नगरवासी  आक्रोसित भएका  छन्  । आन्दोलनरत पक्षले अपराधीहरु बचाउन सत्ता र शक्तिको दुरुपयोेग गरेको अारोप समेत लगाएका छन् ।अधिकारकर्मीहरु र नागरिक समाजले प्रशासन अगाडी रिले अनसन जारी राखेका छन् । आज महेन्द्रनगर बजार आन्दोलन मय भएको थियो भने  प्रहरी प्रशासनले अश्रुग्याँस  प्रहार र लाठीचार्ज गर्दा केही आन्दोलनकारी घाईते भएका छन्  भने ३ जना प्रहरी घाईते भएको प्रहरीले जनाएको छ। आन्दोलनकारीहरुले अनिश्चित कालीन बजार बन्द, यातायात बन्द र प्रहरी प्रशासन विरुद्द नारावाजी गरेका थिए ।