धनगढी, २२ माघ । धनगढी उप–महानगरपालिकाका प्रमुख नृपबहादुर वडले सबै जाती बर्ग र क्षेत्रका चाडपर्वलाई सामान प्राथमिकता दिएको बताएका छन् ।

सोमबार नेपाल तामाङ घेदुङ जिल्ला शाखा कैलालीले फुलबारीमा आयोजना गरेको सोनाम ल्होछार पर्वको उद्घाटन गर्दै नगरप्रमुख वडले अर्को बर्ष धनगढी उप–महानगरपालिकाकामा तामाङ जातीको बसोवास रहेका वडामा स्थानीय बिदा दिने बिषयमा सोच्न सकिने बताए ।

धनगढी उप–महानगरपालिकाका उप–प्रमुख सुशिला मिश्र भट्टले तामाङ जातीहरु संस्कृतीका धनी भएको बताईन । उनले भनिन्,यहाँहरु संस्कृतीका धनी हुनुहुन्छ सबै जातीका कला संस्कृतीको संरक्षण गर्नु स्थानीय सरकारको दायीत्व हो ।  कार्यक्रममा बोल्ने तमाङ प्रतिनिधीहरुले आफुहरुलाई सुदूरपश्चिम प्रदेश सरकारले बिदा नदिएको भन्दै दुःख ब्यक्त  गरे । नेपाल तामाङ घेदुङ जिल्ला शाखा कैलालीका सह सचिव नरबहादुर तामाङले ल्होछार पर्वको अवसरमा समेत आफुहरुलाई बिदा नदिएको भन्दै आपत्ती जनाए । उनले भने, आगामी दिनमा स्थानीय सरकारले भएपनि हामीलाई बिदाको ब्यबस्था दिनुपर्छ भन्ने माग हो ।

तामाङ समुदायमा यस पटकको ल्होछार पर्व बाट देखि कुकुर बर्गको बिदाई र सुगर वर्गको स्वागत गरिएको छ ।