रक्की चौधरी, जलेश्वर ५ असोज। नेपाल कलवार कल्याण महासंघको पाँचौं राष्ट्रिय महाधिवेशन तथा ११औं वार्षिक साधारण सभाआस्विन 3गते सम्पन्न भएको छ, जसबाट नयाँ कार्यसमिति चयन गरिएको छ।

सो सम्पन्न महाधिवेशनबाट अध्यक्षमा विराटनगर निवासी पुनम कुमार गुप्ता निर्वाचित हुनुभएको छ।
यसै अधिवेशनले उपाध्यक्ष पदमा बागमती प्रदेश बाट महेन्द्र चौधरी, गोपीलाल भगत, मधेश प्रदेश बाट शम्भु प्रसाद साह, नवल किशोर प्रसाद शाह, वीरेन्द्र कुमार आर्य, अमित कुमार भगत तथा पूजा जैसवाल चयन हुनुभएको छ।

साथै महासचिवमा विराटनगर निवासी एपोलो भगत, सचिवमा राम बाबु प्रसाद शाह, कोषाध्यक्षमा मन्तोस कुमार चौधरी तथा सह-कोषाध्यक्षमा वीरेन्द्र कुमार चौधरी निर्वाचित हुनुभएको छ।

त्यस्तै सदस्यहरूमा छेदी चौधरी, जिबच चौधरी,राज किशोर चौधरी, शंकर भगत लगायत कुल ३५ सदस्यीय कार्यसमिति गठन गरिएको छ।

उक्त महाधिवेशनबाट चयन हुनु भएका अध्यक्ष एडभोकेट पुनम कुमार गुप्ता ले संगठनलाई अझ सशक्त, एकताबद्ध र प्रभावकारी बनाउँदै आगामी दिनमा समाजको हकहितका लागि सक्रिय रूपमा काम गर्ने विश्वास व्यक्त गरिएको छ। सो अधिवेशन गराउन एउटा निर्वाचन समिति गठन गरिएको थियो जसका निर्वाचन संयोजकमा सुप्रिम कोर्ट नेपालका अधिवक्ता डा जय मंगल प्रसाद रहनु भएको थियो भने निर्वाचन समिति का अन्य सदस्यहरुमा अधिवक्ता रोशन कुमार गुप्ता, अधिवक्ता रवीन्द्र प्रसाद भगत, भिखारी प्रसाद साह रहनु भएको थियो। महासंघ का पूर्व महासचिव महेन्द्र चौधरी यस अधिवेशन बाट उपाध्यक्ष पदमा चयन हुँदा खुशी व्यक्त गर्दै अब नेपाल कलवार कल्याण महासंघको केन्द्रीय समिति ले कलवार जातिको विकास को लागी विभिन्न क्षेत्रमा काम गर्दै कलवार जाति लाई विश्व मा चिनाउने अठोट लिएको कुरा हाम्रो जनक्रान्ति दैनिकलाई दिनु भएको थियो।