ललिता साह, सप्तरी २९ चैत्र । विकासको होस वा सार्वजनिक सेवा प्रवाह सबै कार्यमा शुशासन र पारदर्शीता आजको आवश्यकता रहेको प्रतिनिधि सभा सदस्य सिताराम साहले बताए ।

जिल्ला समन्वय समिति सप्तरीको जिल्ला सभा – २०८२को समापन समारोहलाई आइतवार सम्बोधन गर्दै उनले यस्तो बताएका हुन् ।
रोकिराखेको जिल्लाको विकासीय काम रामराजा विज्ञान प्रतिष्ठानको पूर्णता, औद्योगिक क्षेत्रको विकास र खानेपानी समस्या बारे प्रधानमन्त्रीलाई ध्यानाकर्षण गराएको सप्तरी क्षेत्र नम्बर ४ बाट सत्तारूढ दलबाट निर्वाचित सांसद साहले भने । उनले थपे “सुनकोसी त्रियुगा डाईभर्सन आयोजना संचालन गर्नसके खानेपानी, सिंचाई लगायतको समस्या समाधान हुने भएकोले यो आयोजनाको डिपिआर तत्काल गरेर बहुवर्षीय आयोजनाको रुपमा संचालन गर्न सुझाएको प्रतिनिधि सभा सदस्य साहले जानकारी गराए ।
जिल्ला समन्वय समिति सप्तरीको नियमित कृयाकलापहरु अन्तर्गत जिल्ला परियोजना सल्लाहकार समितिको बैठक, जिल्ला खोप व्यवस्थापन समिति बैठक र सप्तरी जिल्लाका सबै स्थानीय तहहरुको समन्वयात्मक बैठक, सरकारी तथा गैह्रसरकारी क्षेत्रबाट जिल्लामा संचालित कार्यक्रम/आयोजनाहरुको अनुगमन गर्ने, स्थानीय सरकार, संघीय तथा प्रादेशिक कार्यालय र गैरसरकारी संस्थाहरुबाट संचालित कार्यक्रमहरुको समीक्षा गर्ने लगायतका कार्यहरु सम्पन्न गरेको जिल्ला समन्वय अधिकारी कुन्दनकुमार कर्णले जानकारी गराए । साथै चालु आर्थिक वर्ष २०८२/०८३ मा पूँजीगत तर्फ गत विगतका बर्षहरुबाट अल्या भई रकम रु.१ करोड ४५ लाख ९३ हजार ९ सय ७४ रुपैया७५ पैसा र चालु तर्फ रु.१ करोड ६४ लाख ६२००० हजार बजेट रकम प्राप्त हुन आएको समन्वय अधिकारी कर्णले भने ।

प्रदेश सभा सदस्य अनिरुद्र प्रसाद सिंह यादवले-कुनै विकास बजेटको अधिकार नरहेको जिल्ला समन्व्य समिति औचित्य विहिन बन्दै गएको अवस्थामा अधिकार र बजेट देउ वा खारेज गर को माग गरेको छ । वर्तमान सरकारको कार्यशैलीबारे टिप्पणी गर्दै प्रदेश सभा सदस्य यादवले भन्ने भ्रष्टचार अन्त्य गर्न सरकार सफल होस् तर सोचेर / बुझेर अघि बढ्नु भन्दा अपरिपक्व स्पिडले दुर्घटना निम्त्याउने गर्दछ ।
मधेश प्रदेश सभा सदस्य गोविन्द न्यौपाने -तत्कालिन जिल्ला पञ्चायतको उत्तराधिकार बोक्दै आएका समन्व्य समितिले जिल्लाको समग्र सरकारी निकायको समन्वय गर्नु पनि महत्पूर्ण कार्य हो यद्यपि जिम्मेवारी र अधिकार कटौतीले महत्व घटेको हो।
मधेशको जमिनमा हजारौ संख्यामा जडान गरेको डिप बोडिङ्गले जमिन मुनिको पानी सुख्खा बन्दै गएको छ । निकट भविष्यमा खानेपानीको हाहाकार हुन सक्छ । यो गम्भीर समस्या आउन नदिन कोसी पम्पनहरमा भारतसँगको सम्झौता अनुरूप हामीलाई चाहिएको पानी ल्याएर सप्तरीको खेतमा सिंचाइ सुविधा पुर्याउन पहल गर्नुपर्ने बताए ।
देशमा विकास र काम गर्न यो परिवर्तण आएको र सोही मर्मलाई आत्मसात गरेर अघि बढ्न जिल्ला समन्वय सप्तरीका सभापति शिवनारायण साहले सबै पक्षलाई आग्रह गरेका छन् ।

तस्बिर : जिल्ला सभामा बोल्दै प्रतिनिधि सभा सदस्य सीताराम साह तथा  मंचासिन अतिथिहरु