सरकारको विज्ञापन प्रतिबन्धविरुद्ध धनगढीमा पत्रकार महासंघको छलफल
धनगढी, २५ चैत / निजी सञ्चार संस्था माथि सरकारले लगाएको विज्ञापन प्रतिबन्धको विरोधमा नेपाल पत्रकार महासंघले धनगढीमा पूर्व अध्यक्षहरू तथा महासंघका वर्तमान पदाधिकारीहरूबीच छलफल गरेको छ।
नेपाल पत्रकार महासंघ कैलालीका अध्यक्ष श्रवण देउवाका अनुसार सरकारको पछिल्लो निर्णयले सञ्चारमाध्यमको आर्थिक अवस्थामा प्रत्यक्ष असर पर्ने र प्रेस स्वतन्त्रतामाथि समेत नकारात्मक प्रभाव पर्न जाने भएकाले यस विषयमा छलफल गरिएको बताए।
छलफलमा सहभागी पूर्व अध्यक्ष तथा पदाधिकारीहरूले विज्ञापन प्रतिबन्धलाई तत्काल फिर्ता लिन सरकारसँग माग गर्दै यसले सञ्चार क्षेत्रलाई संकटतर्फ धकेल्ने बताएका छन्। उनीहरूले आमसञ्चारको दिगोपन र स्वतन्त्रता जोगाउन राज्यले सहयोगी भूमिका खेल्नुपर्नेमा जोड दिएका थिए।
कार्यक्रममा सहभागीहरूले प्रतिबन्धविरुद्ध संयुक्त धारणा बनाउने, आवश्यक परे आन्दोलनका कार्यक्रमसमेत अघि बढाउने विषयमा पनि छलफल गरेका थिए।
नेपाल पत्रकार महासंघले सरकारको उक्त निर्णयप्रति असन्तुष्टि जनाउँदै सञ्चारमाध्यममैत्री नीतिको माग गरेको छ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया