प्रकाश बम,डोटी । सुन्दर भविष्य बनाउनका लागि जीवन विमा अहिलेको आवश्यकता रहेको नेपालका चर्चित हाँस्यब्याङग्य कलाकार तथा सामाजिक अभियान्ता सिताराम कट्टेल (धुर्मुस) ले बताएका छन् ।

सन नेपाल लाइफ इन्स्योरेन्स कम्पनी डोटी उप शाखाले शनिबार दिपायलमा आयोजना गरेको बीमा जागरण तथा अभिकर्ता सम्मान कार्यक्रममा वोल्दै सामाजिक अभियान्त्ता तथा राष्ट्रिय कलाकार (धुर्मुस)ले जीवन विमा गरेर सुन्दर भविष्य बनाउन सुझाव दिएका हुन् । उहाँले सुदुर पश्चिममा रहेको कुरुति विरुद्ध विमा गर्न समेत जोड दिएका छन् । जाँड रक्सी बिँडी–चुरोट खाने पैसा बचत गरेर बिमा गर्दा सवैको भविश्य सुनिश्चत हुने समेत धुर्मुसले बताए । त्यस्तै सोही कार्यक्रममा बोल्दै सामाजिक अभियान्ता तथा हास्यकलाकार कुन्जना घिमिरे (सुन्तली)ले महिलाले आफू माथि हुने अन्यायको विरुद्ध जागरुक हुनुपर्नेमा जोड दिए । सुदुर पश्चिममा अहिले पनि गाउँ घरका महिलाहरु घाँस दाउरा र घरायसी काममा बढी ब्यस्त हुने गरेको भन्दै जीवन बिमा अहिलेको आवश्यकता रहेको उनलेे बताए। धुर्मुस–सुन्तली फाउण्डेसन मार्फत समाजिक क्षेत्रमा ठुलो टेवा पुर् याउँदै आएको उक्त जोडीले सुदूरपश्चिममा पनि जनता भित्र धेरै पिडा र समस्या रहेको भन्दै आगामि दिनमा यहाँका जनताले साथ र सम्वनय गरे अन्य ठाउँ जस्तै सुदूरपश्चिममा पनि सामाजिक क्षेत्रमा काम गर्ने कलाकारद्वयले बताए । बीमा जागरण तथा अभिकर्ता सम्मान कार्यक्रममा बोल्दै दिपायल सिलगढि नगर पालिकाका नगर प्रमुख मन्जु मलासिले यश अभियानले जनतामा केही सहजता आउने बताइन् । धुर्मुस सुन्तलि फाउन्डेसनले गरि रहेको कामको उनलेे प्रसंसा समेत गरिन् । त्यस्तै सोही कार्यक्रममा बोल्दै सन नेपाल लाईफ इन्स्योरेन्स कम्पनिका प्रमुख कार्यकारी अधिकृत कमलप्रसाद गौतमले सुन्दर भविष्यका लागि बतच आवश्यक रहेको र विमाले सुखी जीवनका लागि भूमिका खेल्ने बताए । बीमा कम्पनीले जिल्लाका उत्कृष्ट अभिकर्तालाई सम्मान गरेको डोटी उप साखाका प्रमुख गणेश कठायतले बताए । अहिले जीवन बिमा गर्नेको सङ्ख्यामा दिनानुदिन वृद्धि हुँदै गएकाे प्रमुख कठायतले बताए ।