धनगढी, ४ कार्तिक । जिल्ला प्रहरी कार्यालय कैलालीले कैलाली:- मिति २०८२।०७।०३ गते जिल्ला कैलाली धनगढी उपमहानगरपालिका वडा नं. ८ क्याम्पस चोकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३९,०००।– बराबरको मोबाईलका पाट्सहरू जिल्ला प्रहरी कार्यालय कैलालीबाट खटिएको प्रहरी गस्ती टोलीले वेवारिशे अवस्थामाफेला पारी नियन्त्रणमा लिएको छ । 

कञ्चनपुर:- मिति २०८२।०७।०३ गते जिल्ला कञ्चनपुर भिमदत्त न.पा.१६ मझगाउँबाट  जिल्ला कैलाली गौरीगंगा न.पा.७ बस्ने बर्ष ३२ को केशब बहादुर बोहराले चलाएको म १ च ३७९ नं.को जिपमा भारतबाट अबैध रुपमा भन्सार छली गरी ल्याएका १९ खसी (जिप सहित अम्दाजि मुल्य रु. १५,२५,०००।-) अस्थाइ प्रहरी पोष्ट मझगाउ कञ्चनपुरबाट खटिएको प्रहरी गस्ती टोलीलेफेला पारी चालकलाई समेत नियन्त्रणमा लिएको छ। 

यसका साथै ​पटाका समेत बरामद ​​

कैलाली:- मिति २०८२।०७।०३ गते १९:१५ बजेको समयमाजिल्ला कैलाली धनगढी उपमहानगरपालिका वडा नं. ८ क्याम्पस चोकबाट अन्दाजी मूल्य रु.९६,६३०।– बराबरको बिभिन्न किसिमका पटाकाहरु जिल्ला प्रहरी कार्यालय कैलालीबाट खटिएको प्रहरी गस्ती टोलीले वेवारिशे अवस्थामा फेला पारी बरामद गरेको छ। 

कञ्चनपुर:- मिति २०८२।०७।०३ गते ११:३० बजेको समयमा जिल्ला कञ्चनपुर भिमदत्त न.पा.०४ ब्रहमदेव रोडबाट अन्दाजी मूल्य रु.१२,४८,५२०।– बराबरको बिभिन्न किसिमका पटाकाहरुजिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले वेवारिशे अवस्थामा फेला पारेको जनाएको छ । बरामद भएको सामान सम्बन्धमा आबश्यक अनुसन्धान भई रहेको जनाइएको छ ।