धनगढी,२८ कार्तिक । कैलालीका स्थानीयतहहरुको नियमित बैठक बुधवार धनगढीको भादामा सम्पन्न भएको छ ।

धनगढी उपमहानगरपालीकाको आयोजनामा बसेको १४ औं नियमित बैंठकले नगरपालीका र गाउँपालीकाका सिमा विवाद सुल्झाउने, ढुंगा, गिट्टी वालुवा सम्वन्धी देखिएका बिवाद सुल्झाउने,मदिराको बिक्रिवितरणलाई ब्यबस्थीत गर्ने, पर्यटकिय स्थालको अध्ययन र कनेक्टीभिटी बढाउने, सामुदायीक पशु चौपयाको ब्यबस्थापनका बिषयमा छलफल तथा निर्णय भएको छ ।

जिल्ला समन्वय समिति कैलालीका संयोजक सूर्यबहादुर थापाले बिभिन्न ५ वटा बिषयमा छलफल तथा निर्णयहरु भएको बताए । उनले यसरी नियमित बैठक बस्दा स्थानीयतहमा देखिएका समस्याहरु समेत समाधान गर्न सजिलो भएको बताए ।

धनगढी उपमहानगरपालीकाका प्रमुख नृपबहादुर वडले सबै स्थानीयतहमा केहि न केहि समस्या देखिने गरेको बताए । उनले भने,नियमित बैठकमा स्थानीयतहले गरेका राम्रा अभ्यासहरु अरु स्थानीयतह संग आदान प्रदान गर्ने गर्दछौं । बुधवारको बैठकमा धनगढीले पनि गरेका राम्रा अभ्यास आदान प्रदान गर्ने अवसर मिल्यो ।

धनगढी उपमहानगरपालीकाका उप प्रमुख सुशिला मिश्र भट्टले नियमित बैठकले एक स्थानीयतहबाट अर्को स्थानीयतहले थुप्रै कुरा सिकिरहेको बताईन । उनले भनिन्, जनप्रतिनिधी र प्रमुख प्रशासकिय अधिकृत बिच अन्तरक्रिया समेत हुने गरेको छ यो आफैमा राम्रो कुरो  हो ।

बुधवारको बैठकमा कैलालीका १३ वटै स्थानीयतहमा प्रमुख, उप प्रमुख, प्रमुख प्रशासकिय अधिकृतहरुको सहभागिता रहेको थियो । आउदो बैठकको आयोजना चुरे गाउँपालीकाले गर्ने छ ।