धनगढी । सुदूरपश्चिम प्रदेशमा स्वास्थ्य क्षेत्रकाे अवस्था बुझ्न धनगढी पुगेकाे संघीय स्वास्थ्य सेवा विभागकाे टाेलीसँग मुख्यमन्त्री त्रिलाेचन भट्टले कोभिड-१९ रोकथाम, नियन्त्रण र व्यवस्थापनमा सहयाेग गर्न आग्रह गरेका छन् । बुधवार स्वास्थ्य सेवा विभागका माहानिर्देशक दिपेन्द्ररमण श्रेष्ठकाे नेतृत्वमा आएकाे टाेलीसँगकाे भेटवार्तामा यस्ताे आग्रह गरेका हुन् ।महामारीले उग्ररुप लिएकाे याे बेला साखगरी भारतवाट आउने नेपालीकाे व्यबस्थापन उपचारमा दक्ष जनशक्तिकाे पुर्ति परीक्षण कीटकाे व्यबस्थापन र अक्सिजन अभाव हुन नदिन मुख्यमन्त्रीले आग्रह गरेकाे भेटवार्तामा सहभागी डा. जगदीश जाेशीले जानकारी दिए । उनका अनुसार टाेलीमा बालस्वास्थ्य महाशाखा निर्देशक, जनस्वास्थ्य प्रमुख लगायतकाे सहभागिता रहेकाे थियाे । यसअघि साेही टाेलीले सामाजिक मन्त्रालयमा कोभिड-१९ रोकथाम, नियन्त्रण र व्यवस्थापनका लागि आवश्यक सहयोग गर्ने सम्बन्धि नीजि अस्पताल संचालकहरुसँग पनि छलफल गरेकाे थियाे ।

यी सबै छलफलले सकारात्मक रुप लिदै गएकाले अहिले नै आत्तिनुपर्ने अवस्था नभएकाे डा. जाेशीले बताए । यस्तै गेटामा निर्माणाधिन मेडिकल कलेजकाे एक भवनमा अस्थाई काेभिड अस्पताल स्थापना गर्न छलफल भैइरहेकाे उनकाे भनाई छ ।