डीवी विष्ट‚ बझाङ । बझाङ जिल्लामा गर्भवती तथा सुत्केरी र नवजात शिशुको मृत्युदरलाई घटाउन एउटा कार्यक्रममा सरोकारवालाहरुले जोड दिएका छन् । सोमबार जिल्ला स्वस्थ्य कार्यलयले आयोजना गरेको मातृ तथा पेरिनेटल मृत्यु निगरानी तथा प्रतिकार्य कार्यक्रमको अभिमुखी करण कार्यक्रममा सहभागीहरुले मातृ तथा शिशु मृत्युदरलाई घटाउन सबै पक्षको योगदान हुनुपर्नेमा जोड दिए । बझाङ जिल्लामा यस अघि नेपाल सरकार स्वास्थ्य कार्यलय अन्तरगत बाल तथा मातृ मृत्युदरलाई घटाउन विभिन्न सेवा सुविधा साथै जनचेतना कार्यक्रम गरिदै आएको भए पनि शिशु तथा आमाको मृत्युदर भै रहेकोले अब यो कार्यक्रम अन्तरत  के कारणले ? कसरी मृत्यु भयो ? भन्ने कुराको लेखाजोखा गरेर थप प्रतिकार्यत्मक कार्यक्रम गरीने भएको छ ।

हाल जिल्लामा सुत्केरी हुँदा गाह्रो भएका महिलाहरुलाई राष्ट्रपति महिला उथ्थान कार्यक्रम अन्तरगत सुत्केरी महिलाहरुको उद्धार भएर यस्ता महिलाहरुको मृत्यु शुन्यमा झरेको भएपनि तर नवजात शिशुको मृत्यु भने अझै रोकीएको छैन । अब एम.पि.डी.एस.आर. (मातृ तथा पेरिनेटल मृत्यु निगरानी तथा प्रतिकार्य) कार्यक्रम जिल्लाका सबै स्वास्थ्य संस्था अन्तरगत समुदायमा लागु हुने भएपछि यस्तो खालको मृत्युदरलाई घटाउनका लागी स्वास्थ्य संघ संस्था बाट हुने प्राविधीक सेवा सेुविधालाई बढाउनु पर्ने र मृत्युको कारण खोजी यस्तो समस्या समाधानका लागी सबै पक्षले सहयोग गर्ने देखीएको छ ।

यसअघाडी पनि स्वास्थ्य संघसंस्था मार्फत बाल तथा मातृ स्वास्थ्य कार्यक्रम परिवार नियोजन कार्यक्रम सुत्केरी प्रोत्साहन भत्ता खोप कार्यक्रम जस्ता बाल तथा मातृ मृत्युदर घटाउने कार्यक्रमहरु पनि सरकारी तथा गैर सरकारी संघ संस्थाहरु बाट पनि संचालन भैरहेका छन् । बाल तथा मातृ मृत्युदर घटाउने खालका कार्यक्रमहरु  यसअघि सिमीत स्वास्थ्य संस्था मार्फत संचालनमा थियो, जिल्ला स्वास्थ्य कार्यलयका प्रमुख भानुभत्त जोशिले भने अब उक्त कार्यक्रम ब्यापक रुपमा समुदाय स्तरमा नै जाने भएकाले यस्तो खालको मृत्युदर घट्ने तथा शुन्यमा झार्ने अपेक्षा गरेको बताए ।

यो कार्यक्रम बाट अब स्थानीय तह साथै जिल्ला तहमा पनी जनप्रतिनीधी सहितको समिती समेत गठन गरीने भएको छ । कार्यक्रममा सहभागी सुदुरपश्चिम प्रदेशका स्वास्थ्य निर्देशक डाक्टर गुणराज अवस्थीले कतीपय परिवार समाजका कारणले पनी मातृ तथा शिशु मृत्यु हुने गरेकाले अब यस्तो खालको मृत्युलाई रोक्न घरपरिवार समाज तथा स्वास्थ्यकर्मीहरुले निगरानी बढाउनु पर्ने बताए । स्वास्थ्य कार्यलयका प्रमुख भानुभत्त जोशिको अध्यक्षतामा भएको उक्त कार्यक्रममा जिल्लाका १२ बटै तहका स्वास्थ्य शाखा प्रमुख, पालिकाका प्रमुख सहित क्षेत्रीय स्वास्थ्य निर्देशनालयका पतिनिधी सहीत सरोकारवालाहरुको सहभागीता थियो ।