धनगढी,२३ भदौ । तिज गितले समाज रुपान्तरणको सन्देश दिनुपर्ने धनगढी उप–महानगरपालीकाका प्रमुख नृपबहादुर वडले बताएका छन् । शिव शिखर कृषी सहकारी संस्था लिमिटेडले शनिवार धनगढीमा आयोजना गरेको तिज बिषेश दरखाने कार्यक्रममा शुमकामना मन्तब्य राख्दै दुःख, पिडा बेदनाकाका कुरा मात्रै होईन सकारात्मक सोचको संचार तिजले गर्नुपर्छ । उनले तिज हिन्दुनारीहरुको महानपर्व भएकाले नगरका सबैवडाहरुले आयोजना गर्न सहयोग गरेको बताए ।

उनले  शिव शिखर कृषी सहकारी संस्था संग आफुहरु समन्वय गरेर काम गर्न तयार रहेको बताए । हिन्दु संस्कार भित्र गाई सडकमा छोड्ने कुरो कतै छैन नगरप्रमुख वडले भने,‘त्यसैले यहाँहरु सन्देश लिएर जानुहोला सक्नेले मात्रै गाई पालौं दुःध खाएर गाई सडकमा नछोडौं ।

धनगढी उप–महानगरपालीकाका उप–प्रमुख सुशिला मिश्र भट्टले तिजलाई महिलाको मात्रै पर्वको रुपमा नअर्थाउन अनुरोध गरिन । उनले भनिन्‘तिजले शसक्तिकरणको सन्देश दिन सक्नुपर्छ । उनले अहिले पनि हरेक निहुँमा महिला माथी हिंसा भैरहेको बताईन । कार्यक्रममा शिव शिखर कृषी सहकारी संस्था लिमिटेडले उत्कृष्ट बचतकर्ताहरुलाई बोनस बितरणका साथै सम्मान समेत गरेको थियो ।

त्यसैगरी धनगढी उप–महानगरपालीका १३ स्थीत जनजागृती महिला समुहले पनि शनिवार तिज बिषेश कार्यक्रमको आयोजना गरेको छ । कार्यक्रमको नगरप्रमुख नृपबहादुर वडले उद्घाटन गरेका थिए । उक्त कार्यक्रममा वडा नं १३ का अध्यक्ष बिजयराज जोशी,चुरामणी जोशी,दिर्घराज भट्ट लगायतले शुभकामना मन्तब्य राखेका थिए ।