दोधारा चाँदनी‚ समाजमा रहेको समस्यालाई सहज रुपमा समाधान गर्न युवा युवतिहरुको सहयोग र योगदान हुन सके गाउँठाउँको विकास र समाजको उत्थान हुन सक्छ भन्ने कुरा महाकाली पारीका युवाहरुले स्वयँमसेवी रुपमा गरेको प्रयासबाट समाजको विकास र उत्थान देखिएको छ ।

एक वर्ष अघि महाकाली पारीको दोधारा चाँदनीका युवाहरुले बृद्ध भत्ता लिन समस्या खेप्नु परेका बृद्ध‚ बृद्धालाई घरबाट मोटरसाइकलमा राखेर नगरपालिका र बैँकसम्म लगेर सहज रुपमा भत्ता बुझेकाहरुलाई घरसम्म पुर्याउने काम गरेर युवा युवतिहरुले समाज सेवा शुरु गरेका थिए ।

हरेक साता नगर सरसफाई र हरेक घरमा फोहर सँकलन गरेर निश्चित स्थानमा वातावरण बनाएका दोधारा चाँदनीका युवा युवतिहरुले नगरबासीलाई सेवा दिन महाकाली नगरपालिका‚ सञ्जिवनी नेपाल र युएनडिपीको सहयोगमा सूचना केन्द्र सञ्चालनमा आएको छ ।

महाकाली नगरपालिका वडा नम्बर ६ को कार्यालयसँगै आज सञ्चालनमा आएको सूचना केन्द्र सञ्चालन भएपछि नगरबासीलाई सरकारी सेवा सुविधा प्राप्त गर्न सहयोग पुग्ने वडा अध्यक्ष दिलबहादुर सिँजालीले बताए । उनले युवाहरुले गरेको प्रयासलाई नगरपालिकाले ईमानदारीका अघि बढाई रहेको छ भने ।

कार्यक्रमका प्रमुख अतिथि महाकाली नगरपालिकाका नगरप्रमुख विरबहादुर सुनारले सूचना केन्द्रको उद्घाटन गर्दै युवा युवतीहरुको यो प्रयास श्रहानिय छ‚ यसका लागि नगरपालिका हरसम्भव प्रयास गर्ने कुरामा जोड दिए ।

सूचना केन्द्रको उद्घाटन कार्यक्रममा कैलाली उद्योग बाणिज्य सँघका बरिष्ठ उपाध्यक्ष पुष्कार ओझाले युवाहरुको यो प्रयास श्राहनीय रहेको भन्दै उद्योग व्यवसायमा सँलग्न गराउन सके उपलब्धि हाँसिल गर्न सहज हुन सक्छ भने ।

सूचना केन्द्रको उद्घाटन कार्यक्रममा महाकाली नगरपालिकाका उपप्रमुख चिनी गिरीले युवाहरुको प्रयासमा महाकाली नगरपालिकामा विगतको तुलनामा बदलाव आएको छ‚ युवा युवतीहरुको यो प्रयास निरन्तरता दिनु पर्ने कुरामा जोड दिईन ।

कार्यक्रममा बरिष्ठ पत्रकार उमीद बागचन्द र युएनडिपीका प्रदेश सँयोजक सतिश पाण्डेयले युवाहरुको भुमिका र महत्वका बारे प्रकाश परेका थिए भने सञ्जिवनी नेपालकी नितु भट्टको अध्यक्षता रहेको थियो ।