धनगढी २० कार्तिक । धनगढी उपमहानगरपालिकाका प्रमुख नृपबहादुर वडले एक शुभकामना सन्देश जारी गरी नेपाली हिन्दूहरुको दोश्रो ठुलो चाड दिपावली अवसरमा स्वदेश तथा विदेशमा रहँनु भएका दाजु भाई तथा दिखी बिहनीहरुमा सुख‚ शान्ती‚ समृद्धि तथा उत्तरोत्तर प्रगतिको कामना गर्नु भएको छ ।

प्रमुख नृपबहादुर वडले आज जारी गरेको शुभकामना सन्देशमा यो चाडले हरेक नेपालीहरुलाई सकारात्मक सोचका साथ समृद्धिको बाटोमा लाग्न शक्ति प्रदान गरोस भनिएको छ । समाजमा रहेको अभाव‚ व्दन्व्द र विभेदको अन्त्य होस । सामाजिक रुपान्तरणमा लाग्न सबैलाई प्रेणा देओस भन्ने कामना गरिएको छ । बहुभाषा‚ बहुजाती‚ बहुसँस्कृति भएको हाम्रो देशमा चाड पर्वहरुले सबैलाई एकताको सुत्रमा ल्याउने‚ धार्मिक सहिष्णुता आपसी सद्भावलाई बलियो बनाउन शुभ अवसर समेत प्रदान गरोस भनिएको छ ।

शुभकामना सन्देशमा धनगढी उपमहानगरपालिकाले सबै जातजाती‚ समुदाय र वर्गका चाडपर्वहरुलाई समान प्राथमिकता दिँदै आएको छ । हामी चाडपर्वहरुलाई आर्थिक  भारमा पर्ने पार्ने भन्दा पनि मितव्ययी बनाउनु पर्छ भन्ने मान्यता राख्दछ ।

त्यसैले चाडपर्वका बेला जुवातास खेल्ने‚ मदिरा सेवन गरेर होहल्लागर्ने कार्य नगर्न सबैमा अनुरोध गर्दछ भनिएको शुभकामना सन्देशमा आगलागी हुन सक्ने भएकोले पटाका लगायत विष्फोटक वस्तु पड्काउने कार्य नगरौ भनिएको छ । यसका साथै देउसी भैलो खेल्ने कार्य स्थानीय प्रशासनले तोकेको समय भित्र खेल्न समेत नगरवासीमा विनम्र अनुरोध गरिएको छ । अन्त्यमा दिपावलीले सामाजिक सद्भाव पारिवरिक एकतालाई बलियो बनाओस भन्ने शुभेच्छा प्रकट गरिएको छ ।