धनगढी । सुदुरपश्चम प्रदेशको एक मात्र उपमहानगरपालिका धनगढीले आफ्नै प्राविधिक शिक्षालय सञ्चालनको स्वीकृति पाएको छ । धनगढी उपमहानगरपालिकाले एक पत्रकार सम्मेलनको गरि प्राविधिक शिक्षालय सञ्चालनको स्वीकृति पाएको जानकारी दिएको हो ।

प्राविधिक शिक्षालय सञ्चालनको स्वीकृति पाउने पहिलो स्थानीय सरकार भक्तपुर नगरपालिका हो भने दोश्रो धनगढी उपमहानगरपालिका बनेको छ ।

CTEVT को पहिलो साझेदार सँस्थाको रुपमा धनगढी उपमहानगरपालिकाले प्राविधिक शिक्षालय सञ्चालन गर्ने स्वीकृति पाएपछि प्राइभेट र सरकारी स्तरबाट सञ्चालन गरेका शैक्षिक सँस्थामा भन्दा कम लगानी लाग्ने छ भने करिव १ लाख ९० हजारमा पढाई पुरा हुने नगरप्रमुख नृपबहादुरवडले कार्यक्रममा जानकारी दिए । प्राविधिक सहयोग प्राविधिक शिक्षा तथा व्यवसायीक तालिम परिषद (सिटिभिटी)सँगको साझेदारीमा उपमहानगरपालिकाले सरकारी स्तरबाट गरिन लागेको प्राविधिक शिक्षा तथा व्यवसायीक तालिम परिषद (सिटिभिटी) धनगढीका प्रमुख डाक्टरकुष्माकर भट्टले जानकारी दिए ।

पहिलो चरणमा डिप्लोमा तहमा होटल व्यवस्थापन र अटो मोवाइल ईन्जिनियङ पढाई हुने नगरप्रमख वडले बताए ।