पाण्डव पुजारा भाद्र १४, धनगढी । युवा शान्ती परिषद् नेपालको आयोजनामा शारदा माध्यामिक विद्यालय धनगढीका युवाहरु संग बिहिबार प्रहरी संग एक दिन कार्यक्रम भएको छ । सामुदायिक सद्भाव प्रर्बद्धनमा युवाहरुको सकारात्मक संलग्नता परियोजना अन्र्तगत रहेको नागरीक र प्रहरी बिच सहकार्य गर्ने, युवाहरुलाई बिकृती गर्नबाट रोक्ने उदेश्यले कार्यक्रमको आयोजना गरिएको कार्यक्रमका संयोजक प्रेम ढुंगानाले बताए ।

कार्यक्रममा जिल्ला प्रहरी कार्यालय कैलालीका प्रहरी निरीक्षक सिताराम बिष्टले समाजमा भएका युवाले अब सुचनाको माध्यम बन्न आवश्यक रहेको बताए । समाजमा हुनेगरेकका बिकृतीका बारे युवाले प्रहरीलाई सुचना दिएमात्रै समाजिक बिकृतीमा कमि आउने बताए ।  “प्रहरी र युवाको सम्बन्ध राम्रो हुनुपर्छ”  निरिक्षक बिष्टले भने “समुदायमा भएका हरेक विकृती, बिसंगती हटाउन हरेक युवाले आफ्नो स्थानबाट प्रहरीलाई जानकारी गराए समाजमा सद्भाव कायम हुन्छ ।” प्रहरी निरिक्षक बिष्टले घटनामा कहि न कतैबाट युवाको नाम जोडीने भएका कारण युवाहरुलाई सजक रहन आग्रह गरे ।

शारदा माध्यामिक विद्यालय धनगढीका शिक्षक अर्जून राजबारले अहिले समाजिक बिकृती र अपराधका घटना बढिरहेको हुनाले यस्ता कार्यक्रमले अपराधिक क्रियाकलापहरु कम गर्न सघाउ पुर्याउने बताए । कार्यक्रममा सहभागी कक्षा १० कि छात्रा निशा मगरातीले समुदायको साथ र सहयोग हुँदा हँुदै पनि प्रहरीले समयमै दोषी पत्ता लगाउन नसकिरहेको बताईन्  । पञ्चोदय उच्च माध्यामिक बिद्यालयका ९० जना विद्यार्थीको सहभागी रहेको कार्यक्रम युएनडिपीको आर्थिक सहयोग र जिल्ला प्रहरी कार्यालय कैलालीको सहकार्यमा भएको हो । प्रहरी संग एक दिन कार्यक्रम धनगढी उपमहानगरपालिकाका क्याम्पस तथा स्कुलहरुमा  संचालन भईरहेको छ ।