रमित बि.क. बाजुरा । जिल्लामा पछिल्लो समय सुरक्षित गर्वपतन गराउने महिलाहरुको संख्यामा बृद्धि भएको छ । यस बर्षमा मात्र साविकको आटीचौर गाविसको आटीचौर स्वास्थ्य चौकीबाट ४१ जना महिलाहरुले सरक्षित गर्वपतन सेवा लिएका छन् ।
खप्तड छेडेदह गाउँपालिकामा पर्ने आटीचौर स्वास्थ्य चौकीबाट १ वर्ष भित्रमा सुुरक्षित गर्भपतन सेवा लिने महिलाहरुको संख्यामा उल्लेख बृद्धि भएको छ । सेवा सुरु हुनु अगावै सेवा लिनेहरुको संख्या कम देखिए पनि विस्तारै महिलाहरुले सेवा लिने क्रममा बृद्धि भएको छ ।
तथ्याङ्गक अनुसार हालसम्म ४१ महिला एवंम किशोरीहरुको ज्यान जोखिमबाट बचेको पाईएको छ । स्वास्थ्य संस्थाबाट सेवा नपाएको भए धेरै महिलाहरुले असुरक्षित गर्भपतन गराउने गरेको थियौँ सेवा सुचारु भएपछि धेरै सजिलो भएको स्थानीय कुशम ओलीले बताए ।
यसैगरी बुढीगंगा नगरपालिकाको देबलसैन र टाँटे स्वास्थ्य चौकीबाट साउन देखि माघ महिना सम्ममा जम्मा १ सय १ जना महिला तथा किशोरीहरुले सुरक्षित गर्भपतन सेवा लिएको सोही स्वास्थ्य चौकीका अनमी तारा कुमारी शाहीले बताईन् ।
यसैबीच कैलाशमाण्डौँ स्वास्थ्य चौकीमा पनि साउन देखि माघ सम्ममा ५४ जना महिला तथा किशोरीहरुले सुरक्षित गर्भपतन सेवा लिएको अनमी सावित्रि रोकायाले जानकारी दिए ।
२०७५ बैशाखबाट सेवा सुरु भएको कार्यक्रमले स्थानीय महिलाहरुलाई निकै सहज भएको स्थानीय महिलाहरुको भनाई छ । जिल्लामा सुरक्षित गर्भपतन सेवा निःशुल्क रुपमा सरकारले लागु गरेको १ वर्ष मात्र पुगेको छ ।

गर्भपतनले स्वास्थ्यमा पर्ने असरलाई रोक्न सहयोग  

ईच्छा नभएका गर्भहरु गर्भपतन गराउन आवश्यक महिला तथा किशोरीहरुलाई सुरक्षित रुपमा गर्भपतन गराउने वातावरण तयार पार्नु कार्यक्रमको मुख्य उद्देश्य रहेको पीसविन बाजुरामा कार्यरत सुरक्षित गर्भपतन सेवा कार्यक्रम अधिकृत जुनु हिराचनको भनाई छ । गर्भपतन गर्नुपर्छ भन्ने कार्यक्रमको उद्देश्य नभएको तर असुरक्षित गर्भपतनका कारण आमाहरुको स्वास्थ्यमा पर्ने असरलाई रोक्न सहयोग पुर्याउन हिराचनको भनाई रहेको छ ।