डोटी । डोटीमा ट्राफिक प्रहरीले ७ महिनामा एक लाख ४० हजार रुपैया राजश्व संकलन गरेको छ । नियम बिपरित सवारीसाधन चलाउनेबाट ट्राफिकले दण्ड जरिवानाबाट सो राजश्व संकलन गरेको अस्थाई ट्राफिक पोष्ट सिलगढीका इन्चार्ज बिजय बम ठकुरीले जानकारी दिएका हुन् ।
कागजात नबोक्ने, सवारीसाधन चलाउदा मदिरा सेवन गर्ने, क्षमताभन्दा बढी यात्रु बोक्ने सवारीसाधनबाट राजश्व असुलेको बमले बताए । सडक दुर्घटना न्यूनीकरणका लागि पछिल्लो समय ट्राफिक प्रहरी पहाडी जिल्लामा सकृय रहेका छन् । सबै भन्दा बढी मोटरसाइकल चालकबाट नियम मिच्ने गरेको पाइएको छ । जरिवाना तिर्नेमा सरकारी गाडी पनि पर्ने गरेका छन् ।
ट्राफिकले कडाई गरेपछि भने सवारी दुर्घटना घट्ने गरेका छन् ।