मञ्जु कल्याल, दार्चुला । व्यासँ गाउँपालिकाका बासिन्दा सञ्चार सेवाबाट बञ्चित भएका छन ।

दार्चुला जिल्लाको व्यास गाउँपालिका वडा नम्बर ४ को कैचुलामा रहेका इस्काई टावरमा खरावि आएपछि उक्त क्षेत्रका बासिन्दा सञ्चार विहिन बनेका हुन ।
उक्त टावरमा समस्या आएको महिनौ दिन वितिसक्दा समेत टावर सञ्चालनमा आउन सकेको छैन । उक्त टावरबाट व्यास गाउँपालिकाको हुति ,सुन्सेरा ,सिना , तुसारपानी ,माल ,रापला लगायत दुम्लिङ्गका बासिन्दाले सञ्चारको सेवा प्रयोग गर्दै आएको थिए ।

यसरी महिनौ दिन सम्म टावरमा खरावि आएपछि व्यासका बासिन्दा सञ्चार सेवाबाट बञ्चित भएका छन । फोन सेवा उपलब्ध नहुदा निकै समस्या लगायत कुनै आपतकालिन समयमा कसैलाई खबर गर्न पनि नसकिने अवस्था आएको हरीना विष्टले बताइन । त्यसैगरी फोनको टावर नहुदा आफुहरु गहिरो खाडलमा खसे जस्तो भएको उनको अनुभव छ ।

छोराछोरीहरु पढाइको शिल शिलामा सदरमुकामा बसेर पढने गरेका छन । फोनमा कस्तो छ भनेर कुराकानी हुन नपाउँदा निकै समस्या रहेको व्यासगाउँपालिका वडा नम्बर ४ कि धौलि कुवरले बताउनु भयो ।

त्यसैगरी यहाँका जनप्रतिनिधि लगायत नेताहरुले जनताको समस्यालाई बुझेर चाडो भन्दा चाडो कैचुला टावरको मर्मत गर्नु पर्ने उनको भनाई छ ।

शिक्षा ,स्वास्थ्य , खानेपानी लगायत सञ्चार सेवा पाउँनु नागरीकको नैंसर्गिक अधिकार हो तर महिनौ दिन विति सक्दा समेत व्यासबासिले सञ्चार सेवा पाउँन सकेका छैनन् ।