धनगढी १६ फागुन । सदाचारका लागि सामाजिक पहल धनगढी कैलालीको आयोजनामा आज धनगढीमा सदाचार प्रतिबद्धता कार्यान्वयन सर्वेक्षण प्रतिवेदन २०७५ सार्वजनीक गरेको छ ।

धनगढी उपमहानरपालिका र जिल्ला प्रशासन कार्यालय कैलालीमा आएका सेवाग्राही संग गरेको अध्ययन प्रतिवेदन एक कार्यक्रमका बिच सार्वजनीक गरेको हो ।
प्रतिवेदनका अनुसार धनगढी उपमहानगरपालिका र जिल्ला प्रशासन कार्यालयमा गरेको अध्ययनले पहिलेको भन्दा सुधार भएको छ भन्नेमा ३२.८४ प्रतिशत मत आएको छ भने केही सुधार भएको छ मा ३९.१६ प्रतिशत मत र सुधार नै भएको छैन्मा २८ प्रतिशत देखिएको छ ।

सर्वेक्षण गर्दा ३५ जना पुरुष र २५ जना महिला गरेर जिल्ला प्रशासन र उपमहानगरपालिकामा ३०,३० ना गरेर ६० जनालाई प्रश्न सोधिएको थियो ।
सदाचारका लागि सामाजिक पहल धनगढी कैलालीका अध्यक्ष उमीद बागचन्दको अध्यक्षतामा भएको कार्यक्रमका प्रमुख अतिथी धनगढी उपमहानगरपालिकाका उपमेयर शुशिला मिश्र भट्ट रहनुभएको थियो भने बिशिष्ट अतिथी साहायक प्रमुख जिल्ला अधिकारी जनकराज भट्ट रहनुभएको थियो ।

कार्यक्रममा कैलाली बहुमुखी क्याम्पसका पुर्व क्याम्पस प्रमुख सुरेन्द्र चन्द लगाएत सरोकारवाला व्यक्तीहरुको सहभागिता रहेको थियो ।
कार्यक्रमका सहभागिहरुले यत्र तत्र र सर्वत्र बढ्दै गईरहेको भ्रष्टचार न्यूनिकरण गर्न सम्र्पुण नागरिक पारदर्शीता र उत्तरदायि बन्नुपर्ने धारणा ब्यक्त गरेका थिए ।