धनगढी । सिवाईसी अत्तरिया तेश्रो सस्करणको धनगढी प्रिमियर लिग डिपिएलको फाईनलमा पुगेको छ। पहिलो क्वालीफायर्समा काठमाडौं गोल्डेन्सलाई ४२ रनले हराउँदै अत्तरिया फाइनलमा पवुगेको हो।

टस जितेर व्याटिङ गरेको अत्तरियाले निर्धारित २० ओभरमा ८ विकेट गुमाउँदै १ सय १० रन बनायो। उस्का लागि कप्तान दिपेन्द्रसिह ऐरीले ३३, सन्नी पटेलले २८, सुवेन्दु पाण्डेय १६ रन बनाए। बलिङमा काठमाडौँका अंकित दवास र सुर्य तामाङले समान २र२ विकेट लिए।

१ सय ११ रनको सामान्य लक्ष्य सहित मैदान उत्रिएको काठमाडौँ १८ दशमलव ३ ओभरमा ६९ रनमा समेटीयो। उस्का लागि गौरव तोमरले २६, कप्तान ज्ञानेन्द्र मल्ल र योगेन्द्रसिह कार्कीले समान ११र११ रन बनाएपनि आफ्नो टिमलाई जिताउन सकेनन्। अन्य व्याट्सम्यानले भने दोहोर अंक समेत छुन सकेनन्।

अत्तरियालाई जिताउने क्रममा सन्नी पटेलले ३, भुवन कार्की र कमलसिह ऐरीले समान २र२ विकेट लिए। खेलका म्यान अफ द म्याच अत्तरियाका सन्नी पटेल भए। काठमाडौँ पराजित भएपनि फाईनल प्रवेशका लागि अर्को मौका पाउने छ। उस्ले रुपन्देही र महेन्द्रगर विचको विजेतासंग फाईनल प्रवेशका लागि खेल्ने छ। भोली रुपन्देही र महेन्द्रनगरविच खेल हुने छ।