डीबी विष्ट बझाङ २३ माघ । जयपृथ्वी नगरपालिका वडा नम्बर ९ मा सामुदायिक सुचना प्रविधि केन्द्रको उद्घाटन गरिएको छ ।

बुधबार एक औपचारिक कार्यक्रमका विच जयपृथ्वी नगरपालिका वडा नम्बर ९ को कार्यलयमा जयपृथ्वी नगरपालिकाका मेयर विरेन्द्र बहादुर खड्काले सामुदायिक सुचना प्रविधि केन्द्रको उद्घाटन गर्नु भएको हो ।

वडा नम्बर ९ का वडा अध्यक्ष बजीर बहादुर खड्काको अध्यक्षतामा संचालन भएको उक्त कार्यक्रमका प्रमुख अतिथी नगरपलिकाका मेयर विरेन्द्र खड्का र विशिष्ट अतिथी उप प्रमुख जुना जाग्री रहनु भएको थियो ।

कार्यक्रममा शुभकामना दिदै नगरपालिकाकी उप प्रमुख जुना जाग्रीले सुचना प्रविधि केन्द्रले नगरपालिका तथा वडा बाट दिने सेवा सुविधा तथा बजेटका बारेमा सबै जनतालाई थाहा हुने बताउनु भयो । यस प्रविधीको आवष्यक रहेको बताउदै जाग्रीले यस प्रविधिको सही सदुपयोग गर्नु पर्ने बताउनु भएको छ ।
यस्तै कार्यक्रममा शुभकामना मन्तब्य दिदै कार्यक्रमका प्रमुख अतिथी तथा जयपृथ्वी नगरपालिकाका मेयर विरेन्द्र बहादुर खड्काले सुचना प्रविधि केन्द्रले समग्र नगरपालिकाको शुसासनमा साहारा पुर्याउने विश्वास ब्यक्त गर्नु भयो ।

केहि बर्ष पहिला विदेशमा घटेका घटनाहरु बर्ष दिन पछि थाहा हुने भए पनि अहिले घटना घटेको मिनेटमा नै जानकारि पाउन सकिने बताउनु भयो । यस्तै वडा अध्यक्ष बजिर बोहराले सामुदायिक सुचना प्रविधि केन्द्रको स्थापना भए पनि कर्मचारी अभावका कारण समस्या हुने यस समस्याको समाधानका लागि नगरपालिकाले पहल गरि दिन अनुरोध समेत गर्नु भयो ।

जयपृथ्वी नगरपालिकाको आयोजनामा साहारा नेपाल, शुसासन परियोजना अन्तरगत उक्त सामुदायिक सुचना प्रविधि केन्द्रको स्थापना भएको हो । झण्डै ७ लाख बराबरका उपकरणहरु सहित सामुदायिक सुचना प्रविधि केन्द्रको स्थापना गरिएको छ ।