डीबी विष्ट पुस २३ बझाङ । स्थानिय निर्वाचन भएको एक बर्ष सम्म जिल्लाको सदरमुकाम लगायत कुनै स्थानिय तहमा बैँङ्क स्थापना नभएको यस जिल्लामा पछिल्लो समय दुई स्थानिय तह बाहेक सबै स्थानिय तहमा बैङ्क सेवा संचालनमा आएको छ ।

गाँउपालिका केन्द्रमै बैङ्क सेवा संचालन भएपछि बैङ्किङ कारोेबार गर्न सदरमुकाम आउने झन्झट हटेको छ । १२ वटा स्थानिय तह रहेको बझाङ जिल्लामा जिल्लाको उत्तरि भेगमा रहेको साईपाल गाँउपालिका र तल्लो क्षेत्रमा रहेको थलारा गाँउपालिका बाहेक अन्य १० वटा स्थानिय तहमा रा.वा. बैङ्क लगायत विभिन्न प्राभेट बैङ्कहरुले सेवा दिई रहेका छन् ।

स्थानिय तह संचालन भएको एक बर्षको आसपास गाँउमा बैङ्क स्थापना नहुँदा हामिलाई स्थानिय तह आएको खास्सै अनुभव भएको थिएन “तल्कमोट गाँउपालिकाका सर्मिला विकले भनिन् ढिलै भए पनि गाँउपालिका केन्द्रमा एभरेष्ट बैङ्को शाखा आएर बैङकिङ कारोबार भएपछि सेवा लिन सजिलो भएको बताईन् ।” तल्काट गाँउपालिका जस्तै मष्टा गाँउपालिकामा राष्ट्रिय बाणिज्य बैङ्को स्थापना भएको छ भने सर्मा गाँउपालिकामा एभरेष्ट बैङ्क, खप्तड छान्ना गाँउपालिकामा प्राईम बैङ्क, छविसपाथिभेरा र दुर्गाथलि गाँउपलिकामा कुमारि बैङ्क स्थापना भएका छन् । यसका साथै केदार स्युँ गाँउपालिकामा पनि २ महिना अघि ईनभेष्ट बैङ्क स्थापना भएको छ भने बुंगल नगरपालिकामा कृर्षि विकास बैङ्क र चिर विथ्थड गाँउपालिकामा नविल बैङ्क स्थापना भएका छन् ।

सदरमुकाम रहेको जयपृथ्वि नगरपालिकामा भने रा.वा बैङ्क लगायत अन्य प्राईभेट बैङ्हरुले पनि सेवा दिई रहेको छ । गाँउपालिका र नगरपालिकामा बैङ्क स्थापनाका लागि आफुले पटक पटक पहल गरे पनि थलारा गाँउपालिकामा आउने भनेको एन आई सि बैङकले हाल सम्म शाखा नखोलि दिएको थलारा गाँउपालिकाका अध्यक्ष भुवनेश्वर उपाध्यायले बताए । यस्तै साईपाल गाँउपालिकामा एभरेष्ट बैङ्कले हाल सम्म शाखा नखोलेको साईपाल गाँउपालिकाका अध्यक्ष राजेन्द्र धामिले बताउनु भयो । यहाँका स्थानिय बासिन्दाले १० हजारको चेक साट्न पनि अहिले ३ दिन काट्नु पर्ने बाध्यता उस्तै रहेको उहाँको भनाई छ । जिल्लाकै सबै भन्दा दुर्गम ठाँउ भएका कारण र विद्युत सेवा नभएका कारण बैङ्किङ सेवा जान नसकेको उहाँको भनाई छ ।

दुई गाँउपालिका लगायत सबै स्थानिय निकाय बोहेक अन्य १० वटा स्थानिय तहका केन्द्रमा बैङ्क सुविधा भएपछि योजनाको रकम लगातय अधिकांश काम रुपमा सहज भएको सुर्मा गाँउपालिका वडा नम्बर २ का वडा अध्यक्ष पुष्कल बोहराले बताउनु भयो । बैङ्किङ सेवा संचालनमा आएपछि आफुहरुलाई पनि गाँउमा नै सरकार आएको अनुभुति भएको दौलिचौरका स्थानिय बासिन्दा कलक बोहराले बताउनु भयो ।