धनबहादुर बिक – पुनर्वास कञ्चनपुरको पुनर्वामा खुल्ला व्यायामशाला निर्माण गरीको छ । पुनर्वास–६ स्थित टाउन बजारको खुल्लमञ्चमा खुल्ला व्यायामशालाको निर्माण गरी शनिबार उद्घाटन गरिएको छ । प्रदेश सरकारको ५ लाख सहयोगमा निर्माण गरिएको व्यायामशालाको सुदूरपश्चिम प्रदेश सरकारको भूमि व्यवस्था, कृषि तथा सहकारी मन्त्री बिर बहादुर थापाले रिबन काटेर उद्घाटन गर्नुभएको हो ।

उद्घाटन कार्यक्रममा बोल्दै मन्त्री थापाले स्वस्थ जीवनशैलीको विकासका लागि व्यायामशालाको भूमिका महत्वपूर्ण रहेको बताउनुभयो । व्यायामशालामा भएका संरचनाहरूको अधिक्तम प्रयोगले जनस्वास्थ्यमा सकारात्मक प्रभाव पार्ने उहाँ बाउनुहुन्छ । उहाँले प्रदेश सरकार जनताको हितमा क्रियाशील रहेको र भौतिक संरचनासँगै सामाजिक विकासमा पनि योगदान दिइरहेको बताउनुभयो ।

पहिलो चरण भएकाले अबको बजेट मार्फत व्यायामशालालाई थप सुदृढ बनाउदै लैजाने प्रतिबद्धता ब्यक्त गर्नुभयो । कार्यक्रममा पुनर्वास नगरपालिकाको उपप्रमुख भुलिया कुमारी रानाले स्थानीय स्तरमा यसप्रकारका पूर्वाधार विकासले समुदायलाई सक्रिय र स्वास्थ्य सचेत बनाउन सहयोग पुग्ने बताउनुभयो । उहाँले नगरपालिकाको तर्फबाट आवश्यक सहयोग गर्नेे प्रतिवद्धता ब्यक्त गर्नुभयो ।

पुनर्वास–६ का वडाध्यक्ष मित्र सिंह लामाले प्रदेश सरकारले विनियोजन गरेको पाँच लाख रुपैयाँको बजेटबाट व्यायामशालाको निर्माण सम्पन्न भएको बताउनुभयो । उहाँले सहयोग गर्ने सबै पक्षलाई धन्यवाद दिँदै स्थानीयवासीले व्यायामशालाकोे भरपूर उपयोग गरी लाभ लिनु पर्नेमा जोड दिनुभयो । खुला व्यायमशाला ले सर्वसाधारण को स्वास्थ्य मा राम्रो प्रभाव पर्ने सम्भावना रहेको पुनर्वास उधोग वाणिाज्य संघ अध्यक्ष राजकुमार रायमाझीले बताउनुभयो ।

सानो योजना भएतापनि व्यायमशाला योजना ल्याईदिनुभएकोमा प्रदेश लाई धन्यवाद छ रायमाझीले भने । धनगढीमा रहेको कठायत निर्माण सेवा धनगढी का सञ्चालक बिरेन्द्र श्रेष्ठले उक्त व्यायमशालाको निर्माण गरेका हुन । व्यायामशाला उद्घाटन सँगै सर्वसाधारणका लागि खुल्ला गरिएको छ । पुनर्वास नगरपालिका ६ का वडा अध्यक्ष मित्र सिंह लामा को अध्यक्षतामा उक्त कार्यक्रम भएको थियो । वडा सदस्य ठाकुर प्रसाद अम्गाई ले स्वागत गर्नुभएको व्यायामशाला उद्घाटन कार्यक्रमको सञ्चालन पुनर्वास–६ का वडा सदस्य भावना स्वर्णकार सुनारले गर्नुभएको थियो ।