प्रकाश बम,मंसिर २०गते डोटी, शिखर नगरपालीका डोटीले डडेल्धुराको अमरगढी नगरपालिका–११ रडुवा खोलामा यहि मंशिर ६ गते भएको दुर्घटनाका घाइतेहरुको थप उपचारका लागि राहत काेष स्थापना गर्ने निर्णय गरेको छ ।

बुधबार शिखर नगर कार्यपालीकाको वैठकले दुर्घटनामा परि घाइते भएका शिखर नगरपालीका भित्रका घाइतेहरुको थप उपचारका लागि उक्त निर्णय गरेको शिखर नगरपालिकाका प्रमुख सिताराम जोशीले वताउनु भयो ।
बुधबार बैठक बसि शिखर नगर भित्रका जन प्रतिनिधिहरुले दुइ दिनको पाउने सेवा र कर्मचारीलेहरुले एक दिनको पाउने सेवा बराबरको रकम राहत काेषमा जम्मा गर्ने निर्णय गरिएको नगर प्रमुख जोशीले बताउनु भयो । साथै शिखर नगर पालिका -४ घर भइ हाल अमेरिका काम गर्दै आउनु भएका टेक जोशीले घाइतेकालागी पठाइएको २० हजार रकम गम्भीर घाइते राधिका धामी र महादेव रावतलाइ दिने निर्णय समेत गरेको उहाले बताउनु भयो ।

वस पनि शिखर नगरपाली भित्रको र घाइतेहरु पनि अधिकांस सोहि नगर भित्रको भएका कारण मानविय समवेदना तथा नगरपालिकाले अबिभाबकको भुमिका निभाउदै आएका कारण काेष स्थापना गर्ने निर्णय गरिएको प्रेस सल्लाहकार योगेन्द्र बलायर बताउनु भयो ।

वस दुर्घटनामा १८ जनाको मृत्यु भएको थियो भने २७ जना घाइते भएका थिए । जस मध्य शिखर नगरपालीका घर भएका ९ जनाको मृत्यु भएको छ भने १६ जना घाइते भएका थिए । दुर्घटनामा परेका घाइतेहरुको अहिले पनि विभिन्न अस्पतालमा उपचार भइरहेको छ ।
यस अघि पनि नगरपालिकाले नगर भित्रका मृतकका परिवारलाई जनही ३० हजार र घाइतेका परिवारलाई जनही १५ हजारका दरले बितरण गरेको थियोे।

घाइतेहरुको उपचारका लागि विभिन्न निकायको पहमा सहयोग जुटिरहेको छ।