धनबहादुर बिक पुनर्वास सरकार अस्थिरताका कारण क्षेत्र को विकास ले गति लिन नसकेको सुदूरपश्चिम प्रदेससभा सदस्य वीर बहादुर थापाले बताए । शनिबार पुनर्वास नगरपालिका १० भिमबस्ति स्थित वाईसी बिचवा खानेपानी तथा सरसफाइ उपभोक्ता समितिको तेस्रो साधारणसभा का अवसरमा सांसद थापाले सो कुरा बताएका हुन ।

स्वच्छ खानेपानी पिउ स्वस्थ रहौ भन्ने मुल नारा सहित वाईसी बिचवा खानेपानी तथा सरसफाइ उपभोक्ता समिति को तेस्रो साधारणसभा सम्पन्न भएको छ । पछिल्लो समय समग्र देशको राजनीति ईस्थाई नभएकोले जुन उदेश्य का साथ जनताले हामीलाई निर्वाचित गर्नुभएको छ , मुलतः त्यो उदेश्य पूरा हुन सकेको छैन सांसद थापाले भने ।

देशमा स्थापित लोकतन्त्र र गणतन्त्रको प्रभावले सर्वसाधारण जनताले बोल्न पाएका छन लेख्न पाएका छन , जसले गर्दा देशमा धेरै परिवर्तन पनि आएको छ । पछिल्लो समय सरकार निरन्तर परिवर्तन हुने क्रमले चाहे अनुसारको विकास ले गति लिन सकेको छैन यद्यपि देशमा विकास हुदैनभएको होइन तर जुन गतिले विकास हुनुपर्ने हो त्यो पूरा हुन नसकेको उनले बताए । सांसद थापाले पुनर्वासको समग्र विकासका लागि संसदमा आफुले निरन्तर मुद्दा उठाउदै आएको बताए । अहिले को सरकार जनताका समस्या प्रति उदासिन भएको हो कि आसंका उत्पन्न हुँदै आएको छ ।

तर पनि पुनर्वासको समग्र विकासका लागि आफू निरन्तर लागिपरेको सांसद थापाले बताए । खानेपानी संस्था साधारणसभा सफलताको शुभकामना व्यक्त गर्दै दुई कोठे भवनका लागि छिट्टै पहल गर्ने थापाले प्रतिबद्धता व्यक्त गरे । सञ्चालनमा आए पश्च्यात अत्यन्तै प्रभावकारी सेवा प्रवाह गर्दै आएको वाईसी बिचवा खानेपानी संस्थाले खानेपानी को पउँच नभएका तथा सामाजिक रूपमा पछाडि पर्दै आएका विपन्न परिवार सदस्य लाई पनि निशुल्क रूपमा सेवा पुर्याउनुपर्ने सांसद थापाले सुझाव दिनुभयो ।

संस्था का अध्यक्ष गोपाल काफ्ले को सभाअध्यक्षमा भएको कार्यक्रम का प्रमुख अतिथि सुदूरपश्चिम प्रदेशसभा सदस्य बिरबहादुर थापा रहेका थिए । कार्यक्रममा वडा नम्बर १० का अध्यक्ष सुकदेव राना वडा नम्बर ११ का अध्यक्ष तुलसि अर्याल विभिन्न वडाका सदस्य , विभिन्न पार्टीका प्रतिनिधि , सहकारी सदस्य , सामुदायिक बन समिति पदाधिकारी , विभिन्न संघ संस्था का प्रतिनिधि लगायत कार्यक्रम का अतिथि रहेका थिए । कार्यक्रममा संस्था का सचिव बिष्णु बिक ले आर्थिक बर्ष ०७८/४/ १ गतेदेखि ०७९ असार मसान्तसम्म को ६३ लाख १५ हजार १३७ रूपैया बराबरको आयव्यय प्रस्तुत गरेका थिए । आगामी आर्थिक बर्ष २०८०/०८१ को अनुमानित कुल १३ लाख ७१ हजार बराबरको आयव्यय सचिव बिकले प्रस्तुत गरेका थिए ।

२०७३ माघ १० गतेदेखि उपभोक्ता लाई शुद्ध खानेपानी वितरण गर्दै आएको छ । २ लाख २५ हजार लिटर क्षमता रहेको वाईसी बिचवा खानेपानी संस्थाले हालसम्म ६५२ जना उपभोक्तालाई खानेपानी वितरण गर्दै आएको संस्था का अध्यक्ष गोपाल काफ्लेले बताए । सो अवसरमा खानेपानी संस्था सञ्चालन का लागि प्रत्यक्ष अप्रत्यक्ष रूपमा सहयोग प्रदान गर्ने समाजसेवी लाई प्रमाणपत्र दोसल्ला ओढाएर सम्मान समेत गरिएको थियो । कार्यक्रम को सञ्चालन सचिव बिष्णु बिकले गरेका थिए ।