प्रधान सेनापतिद्वारा सहभागीहरुलाई पदक तथा प्रमाण-पत्र वितरण
काठमाडौ । सेनापति प्रभुराम शर्माले संयुक्त अधिराज्यको वेल्स, ब्रेकनस्थित Sennybridge Training Area मा सञ्चालन भईरहेको प्रतिस्पर्धात्मक Exercise Cambrian Patrol मा सहभागी नेपाली सेना लगायत क्यानडा, मेसोडोनिया, कतार, फिलिपिन्स र बेलायती सेनाका टोलीहरूलाई २२ गते आयोजित Award Ceremony मा पदक तथा प्रमाण-पत्र वितरण गर्नुभएको छ ।
आश्विन १९ गते आरम्भ भएको सो प्रतिस्पर्धात्मक अभ्यासमा सहभागी नेपाली सेनाको टोलीले रजत पदक प्राप्त गरेको छ । विशेष गरी पैदल फौजको पेसागत ज्ञान, सीप, रण कौशल, शारीरिक सहिष्णुताका साथै व्यक्तिगत एवं सामूहिक रूपमा गरिने फौजी कारबाहीको स्तर जाँच तथा मूल्याङ्कन गरिएको थियो ।
उक्त अभ्यासमा भाग लिने टोलीले ४८ घण्टाको समयावधि भित्र हतियार तथा ३२ के.जी. तौल बराबरको उपकरण एवं बन्दोबस्ती सामाग्रीसहित करिब ६५ किलोमिटरको दुरी पुरा गर्नुपर्दछ।
अभ्यासमा ७५ प्रतिशत भन्दा बढी अङ्क प्राप्त गर्ने टिमलाई स्वर्ण पदक, ६५ देखि ७४.९ प्रतिशत अङ्क प्राप्त गर्ने टिमलाई रजत पदक र ५५ देखि ६४.९ प्रतिशत अङ्क प्राप्त गर्ने टिमलाई कांस्य पदक प्रदान गरिन्छ ।
वार्षिक रूपमा बेलायतमा सञ्चालन हुँदै आएको अन्तर्राष्ट्रिय स्तरको यस प्रतियोगितामा नेपाली सेनाले सन् 2014 बाट भाग लिँदै आइरहेको छ । यस वर्षको Exercise Cambrian Patrol मा विभिन्न ३१ राष्ट्रका ३८ वटा अन्तर्राष्ट्रिय टिमका साथै कुल १११ वटा टिम सहभागी छन् हालसम्म नेपाली सेनाको टोलीले उक्त प्रतिस्पर्धात्मक अभ्यासमा स्वर्ण-२, रजत-३ र कांस्य-२ गरी कुल ७ पदक प्राप्त गरिसकेको छ ।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया