डीबी विष्ट मंसीर २ बझाङ । विकट हिमाली साईपाल गाँउपालीकाका ५ गा“उका १ हजार ५ सय भन्दा बढी बासिन्दाहरुले एक कल फोन गर्नका लागी पनि एक दिनको पैदल हिड्नु पर्ने बाध्यता रहेको छ । यहा“का धुली, बलौडी, न्युना र धलौन गा“उका वासिन्दाहरुले घण्टौ हिड्ेर का“डाको बाझचौकामा रहेको एक मात्र भि स्याट टेलिफोन बाट गाँउपालीका वाहिर सम्पर्क गर्ने गरेका छन ।

“घरबाट का“डा आउन एक दिनै लाग्छ फोन गर्नु पर्यो भने विहानै आएर उतै बस्नु पर्छ भोलिपल्ट मात्र घर फर्किन्छौ ।” बलौडीका विरजित बोहराले भने “पुरुषहरु घर बाहिर हुने महिलालाई झन गाह्रो हुन्छ ।

बस्ने खाने समस्या हुन्छ , केटाकेटी गाइबस्तु अर्काको जिम्मा लाएर आउनु पर्छ ”दिनमा ३० देखी ६०÷७० जना सम्म गा“उबाट फोन गर्ने मानिसहरु बा“झचौका पुग्ने गरेको टेलिफोन संचालक गोरख रोकाया वताउछन ।

२०६६ सालमा नेपाल टेलिकम र तत्कालीन का“डा गाविसको लगानीमा जडान गरिएको भि स्याट सेवा वेला वेला विग्रने र मर्मत गर्नका लागी सदरमुकामबाटै प्राविधीक बोलाउनु पर्ने भएकोले कहिले का“ही महिनौ सम्म पनि यहाँका मानिसहरु टेलिफोन सम्पर्क विहिन हुने गरेको उनले जानकारी दिए । “फोन विग्रको वेला दिनभर हिड्ेर टाढाबाट आएका मानिसहरु फोन नगरेरै फर्किनु पर्ने हुन्छ । बेकारमा दुःख पाउछन ” उनले भने ।
साईपाल गाँउपालीकाको धलौन गा“उमा २०६८ सालमा स्मार्ट टेलिकम कम्पनीले ५ वटा लाइन भिस्याट जोडे पनि एक वर्ष पछि सबै लाइन बन्द भएका थिए । धलौन गा“उ पनि बाझचौकाबाट ७ घण्टाको पैदल दुरीमा रहेकोछ । “तन्नेरीहरु मात्र विहान गएर बेलुका फर्किन सक्छन । अरुहरुले फोन गर्नु परेमा उतै बस्ने गरी जानु पर्छ ” धलौनका सुवास बोहराले भने “स्मार्ट फोन सुचारु हुदा धेरै सुविधा भएको थियो । ४ वर्ष देखी सम्पर्क विहीन जस्तै छौ”
यस्तै टेलिफोन रहेको गा“उ बाझचौका पुग्न न्युनाबाट ५ घण्टा, धुलिबाट ७ घण्टा र जिमाबाट ५ घण्टा पैदल हिड्नु पर्ने स्थानिय बासिन्दा बताउछन ।
कुनै पनि कम्पनीका मोवाइल सेवाले काम नगर्ने का“डाका बासिन्दाले एक गा“उमा एउटा सम्म भए पनि भिस्याट सेवा सन्चालन गरिदिनका लागी पटक पटक जिल्ला स्थित र प्रदेश सरकारका साथै केन्दीइ सरकार संग पहल गरे पनि कतैबाट सुनुवाई नभएको साईपाल गाँउपालीकाका अध्यक्ष राजेन्द्र धामीले बताउनु भयो ।

गाँउपालीकाको एक्लै प्रयासले यहाँको टेलीफोन सुचारु गर्न सम्भव नभएका कारण समस्या उत्पन्न भएको र सबै भन्द ा विकासको बाधक बाटो घाटो नपुग्नु र भौगौलीक विकटता नै रहेको धामीको भनाई छ ।

तर पनी आफुहरु यस समस्या समाधानका लागी आफुहरु बाट हुने सबै किसीमका प्रयास जारी राखेको र प्रदेश सरकार र केन्दीय सरकार बाट आश्वसन मात्रै पाएको उहाँको गुनासो छ । इमेल ईन्टरनेट र प्रविधीको यो युगमा पनी आफुहरुले टेलीफेन गर्नका लागी भिसेटका नै भर पर्नु लाजमर्दो कुरा रहेको स्थानीय बासिन्दाको गुनासो रहेको छ ।