धनगढीः धनगढी उपमहानगरपलिका वडा नम्बर ७ मा आयोजना गरिएको कालिका शिअ उसु धार्मिक ज्ञान महायज्ञको आयव्यय सार्वजनिक गरिएको छ। कालिका मन्दिर र शिअ उसु क्वानको संयुक्त आयोजनामा भएको महायज्ञको सोमबार पत्रकार सम्मेलन गरि आयव्याय सार्वजनिक गरिएको हो।

मुल आयोजक समितिका संयोजक खगेन्द्र अधिकारीको अध्यक्षतामा भएको कार्यक्रममा आर्थिक व्यवस्थापन तथा संकलन उपसमितिका संयोजक ताराप्रसाद भुसालले महायज्ञमा भएको आम्दानी र खर्च विवरण सार्वजनिक गरेका हुन्।
उनका अनुसार महायज्ञमा कलश, शालीग्राम परिक्रमा, धान बिक्री, तुलादान, व्राह्मण भोजना, व्रतबन्ध, प्रसाद र चन्दादाताबाट १६ लाख ९५ हजार एक सय ७६ रुपैयाँ आम्दानी भएको छ।

यस्तै, प्रचार–प्रसार माईकीङ तथा भिडियो, पूजा सामग्री, कलश, पानस तथा भाँडा वर्तन खरिद, खाद्यान्न, दुध, दही, पनिर तथा तरकारी, ब्यानर, ठेली, फ्रेम, सरसफाई लगायत विभिन्न शिर्षकमा ११ लाख ५५ हजार सात सय ३७ रुपैयाँ खर्च भएको उनले जानकारी दिए।

धनगढी उपमहानगरपालिका वडा नम्बर ७ मा माघ ८ गतेदेखि १४ गतेसम्म महायज्ञ सञ्चालनमा भएको थियो।

आयव्याय सार्वजनिक कार्यक्रममा वडा अध्यक्ष मोति राना थारुले समाजमा सहयोग गर्ने भावना रहेमा विकास र आम समुदायका समस्या समाधान गर्न मद्दत पुग्ने बताए। उनले वडाका विकासका लागि सबै एकजुट हुनुपर्ने बताए।

यस्तै आयोजक समितिले महायज्ञ सफल बनाउन सहयोग गर्ने विभिन्न व्यक्तिलाई प्रशंसा पत्र प्रादन गरिएको थियो। आयोजकले दिलबहादुर खाती,सरस्वती सिंह, चिनादेवी कठायत, गीता गुरुङ, प्रतापसिंह विष्ट,ज्ञानु श्रेष्ठ, धनादेवी जोशी, सितादेवी चौधरी, तुलसादेवी सिंह, डल्लीदेवी रोकाया, शारदा खाती थापा, देवबहादुर सेटी, भीमबहादुर थापा, खगेन्द्र अधिकारी, ताराप्रसाद भुसाललगायतका व्यक्तिलाई प्रशंसा पत्र प्रदान गरिएको थियो। दिनेश खबरबाट