धनगढी: कैलालीमा आयूर्वेद स्वास्थ्य शिविर सम्पन्न भएको छ। स्वास्थ्य प्रर्बद्धन केन्द्र कञ्चनपुरको आयोजना तथा टीकापुर नगरपालिकाको समन्वयमा श्री सरस्वती मा.वि. बनगाउँ कैलालीमा उक्त शिविर सम्पन्न भएको हो।

शिविरमा वरिष्ठ मुटुरोग विशेषज्ञ डा. कृष्णचन्द अधिकारी, फिजिसियन डा. सुमन चौधरी, आयुर्वेद चिकित्सक डा. दुर्गा प्रसाद ढुङ्गाना, डेन्टल चिकित्सक डा. सन्तोष पण्डीत, मेडिकल अधिकृत डा. प्रेम भट्टलगाएतले सेवा दिएका थिए। शिविरमा स्वास्थ्यसेवा २५९ जना, मुटुरोग परिक्षण २२९ जना, फोक्सो सम्बन्धी जाँच ७९जना दाँत सम्बन्धी ८० जनाले शिविरमा सेवा लिएका थिए, भने ८० जना ज्येष्ठनागरीकलाई सहायक समाग्री लौरो वितरण गरिएको थियो।

नसर्ने रोग रोकथामकालागी शारीरिक तन्दुरुस्त कायम गर्नकालागि ट्रेड मेल एक थान टीकापुर नगरपालिकाका मेयर रामलाल डंगौरामार्फत प्रादेशिक स्वास्थ्य प्रर्बद्धन केन्द्रका प्रमुख हेमराज खड्काले विद्यालयका कार्यवाहक अध्यक्ष अमरबहादुर मगरलाई हस्तान्तरण गरिएको छ।

कार्यक्रममा नगरप्रमुख डंगौराले रोगको उपचारभन्दा उपचार नै नगर्ने वातावरण बनाउन स्वास्थ्य प्रर्बद्धनात्मक कार्यक्रम तथा आयुर्वेदिक औषधी पद्धतिको विकासमा जोड दिने प्रतिबद्धता व्यक्त गरेका थिए। टीकापुर नगरपालिकाको नगर प्रमुख रामलाल डंगौराको आतिथ्यतामा र प्रादेशिक स्वास्थ्य प्रर्बद्धन केन्द्र कञ्चनपुरको प्रमुख हेमराज खड्काको अध्यक्षतामा शिविर सम्पन्न गरिएको थियो। दिनेश खबरबाट