कञ्चनपुरकी १३ वर्षिय किशोरी निर्मला पन्तको बलात्कार पछि हत्या भएको १६ दिन वितिसक्दा पनि दोषि नसमातिदा उनको परिवार सामान्य अवस्थामा फर्किन सकेको छैन । अपराधिलाई अभिलम्व पक्राउ गरी कडा भन्दा कडा सजाय दिएर पिडितलाई न्याय दिलाउन आज पनि महेन्द्रनगर बजारमा प्रदर्शन भएको छ ।

प्रहरी अधिकारीहरुले भने यस क्षेत्रमा यो अहिलेसम्म कै यो घटनाको गहिरो अनुसन्धान भई रहेको र अनुसन्धान अन्तिम तिर पुगेको बताएका छन ।

आर्थिक रुपमा त्यति सबल त थिएन तर पनि साइन्स पढेर परिवार गरिवीको अन्त्य गर्ने चाहना भएकी निर्मला पन्तको यो घट्नाले परिवार सन्तुलनमा आउन गाहो परेको निर्मलाकी दिदी मनिषा पन्तको भनाई छ ।

उनी आमा दुर्गादेवी पन्तले भनिन‚ घर परिवार चलाउन आमाको चना चटपटे बेच्ने काममा सघाउने निर्मलाको अन्त्यपछि परिवार सँकटमा परेको छ ।  एक भाई सहित ३ जना दिदी मध्ये सबैकी प्यारी र साइन्स पढेर केही गर्ने चाहाना राख्ने होनहार छोरी गुमाउँदा पन्त परिवार निक्कै दुखि छ । निर्मलाका बुवा आमा सहित ३ जना घरका ठुला मान्छे रोयर वेहाल छ ।

छोरीको अपराधी कतिबेला समातिन्छ भन्ने आशामा विहान घरबाट निस्केर निर्मलाका बुवा यज्ञराज पन्तको महेन्द्रनगर बजारमा दिनहुँ हुने गरेको जुलुस र प्रहरी कार्यालय धाउन मै दिन बित्ने गरेको छ ।

बलात्कार पछि हत्या भएको यो घटनाका सम्बन्धमा कञ्चनपुरका प्रहरी प्रमुख डिल्लीराज बिष्टले भने यो अनुसन्धान यस क्षेत्रमा पहिलो पटक यतिगहिरो रुपमा अनुसन्धान भएको छ ।

१६ दिन बितिसक्दा पनि प्रहरीले अपराधिलाई पक्राउ गरी सार्वजनिक नगरेको भन्दै निर्मला पन्तका परिवारजन र कैलाली र कञ्चनपुरका महिला अधिकारकर्मीहरुले सरकारको ध्यानाकर्षण गराउँदै विरोधका कार्यक्रमहरु जारी राखेका छन ।

उनीहरुले प्रदेश नम्बर ७ मा श्रावण २५ अर्थात अगस्त दश देखि डिसेम्बर दश मानवअधिकार दिवशसम्म बलात्कार विरुद्धको सचेतना अभियान सञ्चालन गर्ने पनि घोषणा गरेका छन