धनबहादुर बिक पुनर्वास । हरेक बर्ष झै यस बर्ष पनि कञ्चनपुर को पुनर्वास मा नेपाली हरूको महान पर्व बिजयादशमीको अवसरमा असोज ८ गतेदेखि वडास्तरिय फुटबल खेलको आयोजना गरिएको छ ।

पुनर्वास नगर प्रमुख तोया प्रशाद शर्माले उद्घाटन गर्नुभए को थियो । सिद्दार्थ युवा क्लब पुनर्वास ७ च गाउँ को शानदार खेलमैदान मा आयोजना गरिएको उक्त फुटबल खेल प्रतियोगिता मा स्थानीय २० वटा क्लबले भाग लिएका छन । नेपाली हरूको महान पर्व बिजया दशमी तथा दिपावलीको अवसरमा आयोजित बार्हौ रनिङ चाँदी कप फुटबल प्रतियोगिता को पहिलो दिन भेट्रान खेलबाट सुरुवात गरिएको मा असोज ९ गतेदेखि नियमित सञ्चालन हुँदै आएको छ । नकआउट चरणमा खेलाईएको उक्त फुटबल प्रतियोगिता को पहिलो चरणको खेलसम्म आईपुग्दा आयोजक सिदार्थ युवा क्लब बि, भानु युवा क्लब, त्रिभुवन युवा क्लब (केएफसी) आईबीआरडी टिम ए , परोपकार युवा समाज पुनपा ९ बिचफाँटा ले अग्रता लिएको छ । असोज २१ गते समापन गरिने उक्त फुटबल प्रतियोगितामा प्रथम हुने टिमले नगद १ लाख ६१ हजार चाँदी कप मेडल तथा प्रमाणपत्र प्राप्त गर्ने र व्दितीय हुने टिमले ८१ हजार नगद मेडल तथा प्रमाणपत्र प्रदान गरपने क्लबका सचिव सुकबहादुर तामाङले बताए । आयोजक सिदार्थ युवा क्लब, पुनपा ६ स्थित त्रिभुवन युवा क्लब, पुनपा १० स्थित लालझाडी युवा क्लब , पुनपा ११ स्थित हिमाल फ्रेन्डस क्लब, पुनपा ५ स्थित भानु युवा क्लब, पुनपा ९ स्थित परोपकार युवा क्लब, पुनपा ८ स्थित नवदय युवा क्लब, केएफसि आईबीआरडी, पुनपा २ स्थित अरनिको युवा क्लब लगायतले प्रतियोगितामा भाग लिएका छन । फुटबल खेलले जिल्लामै चर्चामा रहेको पुनर्वास मा आयोजित बार्हौ रनिङ चाँदी कप फुटबल प्रतियोगितामा पहिलोपटक प्रत्येक्ष लाईव प्रशारण समेत गरिएको छ भने आयोजक सिदार्थ युवा क्लबको पेज मार्फत घरमै बसेर पनि खेलको आनन्द लिन सकिने क्लबका अध्यक्ष बिरबहादुर तामाङले बताएका छन ।