डीबी विष्ट बझाङ । बझाङमा भएको जीप दुर्घटनामा परी मृत्यु हुनेको संख्या तिन पुगेको छ । कञ्चनपुर जिल्ला बेदकोट नगरपालीका ५ का ३५ बर्षिया प्रेम बहादुर बोहराको निधन पश्चात मृतको संख्या तिन पुगेको हो । उपचारका क्रममा बोहराको निधन भएको प्रहरीले जनाएको छ ।

मंगलबार विहान बागथला बाट विजगडाका लागी छुटेको से १ ज ७२६ नम्बरको जीप दुर्घटना हुँदा २ जनाको घटना स्थलमा नै मृत्यु भएको थियो । बुंगल नगरपालीकाको वडा नम्बर ५ मिणीबगर भन्ने ठाँउमा जीप दुर्घटना हुँदा कञ्चरपुर जिल्ला बेदकोट नगरपालीका ५ बस्ने ६५ बर्षिया विष्ना देवि बोहरा र कैलाली जिल्ला घोडाघोडी नगरपालीका ५ का ५६ बर्षिया धन बहादुर बोहरा रहेको जिल्ला प्रहरी कार्यलयले जनाएको छ ।

यस्तै ६ जनाको अवस्था चिन्ताजनक रहेको प्रहरीले जनाएको छ । बुंगल नगरपालीका ६ का नरेन्द्र कुवर, कृष्ण कुवर, बुंगल नगरपालीका ८ का धिरेन्द्र बोहरालाई थप उपचारका लागी डडेल्धुरा तर्फ रिफर गरीएको छ भने अन्य गम्भीर घाईते कञ्चनपुर जिल्ला बेदकोट नगरपालीका ५ की माया बोहरा, चन्द्र सिहँ बोहरा र चालक रण बहादुर खाती देउरा स्वास्थ्य चौकीमा उपचार भैरहेको प्रहरीले जनाएको छ ।
गम्भीर घाईतेहरुको उद्धार गर्नका लागी काठमान्डौ बाट सिम्रीक एयरको हेलेकोप्टर आउने काम भै रहेको बुंगलन नगरपालीकाका कार्यकारी अधिकृत जीवलाल कुवरले जानकारी दिनु भएको छ ।

स्थानीय जनप्रतिनीधी, माननीय तथा सांसदहरु र जिल्ला प्रहरी कार्यलय तथा जिल्ला प्रशासन कार्यलयको पहलमा गम्भीर घाईते भएकाहरुको उद्धारका लागी हिलेकोप्टर काठमान्र्डाै बाट उडान भै सकेको प्रहरीले जनाएको छ । अबको एक घण्टा पश्चात हेलेकोप्टर देउराका ल्यान्ड हुने भएको छ । अन्यको उपचार भै रहेको छ ।