धनगढी उप–महानगरपालीका र बुटवल उप–महानगरपालीकाका जनप्रतिनिधीहरु बिच आफुले थालनी गरेका राम्रा अभ्यास तथा अनुभवहरु आदान प्रदान गरेका छन् ।

बुधवार अवलोकन भ्रमणका क्रममा धनगढी पुगेका बुटवल उप–महानगरपालीका रुपन्देहीका जनप्रतिनिधी र धनगढी उप–महानगरपालीकाका जन प्रतिनिधीहरु बिच छलफल तथा अनुभव आदानप्रदान गर्ने काम भएको नगरप्रमुख नृपबहादुर वडले बताए । उनले भने,‘दुबै नगरपालीकाले गरेका राम्रा कामहरु एक अर्काका लागि सिकाई हुन सक्छन् भन्ने उदेश्यले अनुभव आदान प्रदान कार्यक्रमको आयोजना गरेका हौं । बुटवल उप–महानगरपालीकाका प्रमुख, उप–प्रमुख लगायत वडा अध्यक्ष लगायतका ब्यक्तिहरुको धनगढी उप–महानगरपालीकाका प्रतिनिधीहरुले स्वागत समेत गरेका थिए ।

अनुभव आदान प्रदान भयो कतिपय त्यहाँ भएका राम्रा अभ्यास हाम्रा लागि सिकाई भए नगरप्रमुख वडले भने,‘कतिपय हामीले गरेका राम्रा अभ्यासको वहाँहरुले प्रशंसा नै गर्नुभयो । धनगढी उप–महानगरपालीकाका उप–प्रमुख सुशिला मिश्र भट्टले,‘बुटवल उप–महानगरपालीकाका राम्रा अभ्यासहरु धनगढी उप–महानगरपालीकाले अनुसरण गर्ने बताईन ।

बुटवल उप–महानगरपालीकाका प्रमुख शिवराज सुवेदीले अन्य उप–महानगरपालीकाले गरेका राम्रा कुराहरुका बारेमा सिक्नका लागि अवलोकन भ्रमण थालेको बताए । उनले भने,‘एक उप–महानगरले अर्का उप–महानगरलाई अनुभव आदानप्रदान गर्ने कुराको सहमती भएको छ । बुटवल उप–महानगरपालीकाका उप–प्रमुख गोमा आर्चायले धनगढी उप–महानगरपालीकाले छोटो समयमै जनहितमा केहि राम्रा अभ्यास गरेको आफुले पाएको बताईन । उनले भनिन्‘यो कुराहरु अनुसरण गरेका छौं ।