धनगढी । दुर्लभ वन्यजन्तुको चोरी सिकारी र  तस्करीको गिरोहमा संलग्न एक व्यक्तिलाई रेड पान्डाको छाला सहित कैलालीको गोदावरी स्थित एक सामुदायिक वनबाट मङ्गलवार प्रहरीले पक्राउ गरेको छ ।

पक्राउ पर्नेमा बझाङको बित्थड चिर गाउँपालिका ५ देउलेखका २३ वर्षीय अमर धामी रहेका छन् ।  उनी बाट प्रहरीको टोलीले एक थान रेड पान्डाको छाला बरामद गरेको हो ।

उनलाई मङ्गलवार बिहान सवा १० बजे कैलालीको गोदावरी नगरपालिका ५ स्थित गेटा सामुदायिक वनबाट रेड पान्डाको छाला सहित नियन्त्रणमा लिइएको सङ्घीय प्रहरी इकाई कार्यालय धनगढी हाल महेन्द्रनगरमा डिएसपी पदमा कार्यरत लक्ष्मण शाहीले बताए ।