मसुरिया ९ असोज । कैलाली जिल्लाको गौरीगंगा नगरपालिकालाई राम्रो र हाम्रो नगरपालिका बनाउन सबै जवाफदेहि बन्नुपर्ने नगरप्रमुख भिमबहादुर देउवाले बताउनुभयो ।

सोमबार गौरीगंगा नगरपालिका वडा नम्बर ९ मसुरियामा एफएमडिसी,बिकास र सामाजिक परिर्वतनका लागि सञ्चारले आयोजना गरेको साझा सभा कार्यक्रममा बोल्दै नगरप्रमुख देउवाले गौरीगंगा नगरपालिकाकाले हाल सम्म सुरुवात र सम्पन्न गरेका कामहरुको जानकारी समेत दिनुभयो ।

कार्यक्रममा सहभागि नगर उद्योेग बाणिज्य संघका अध्यक्ष राजेन्द्र देवकोटाले नयाँ उद्योग स्थापना गर्न नगरपालिकाले पहल गर्नुपर्ने बताए । उनले नगरबासीलाई कर शिक्षाको बारेमा पनि जानकारी दिन जरुरी रहेको सुझाव दिनुभयो ।
शिक्षक मिलन ओलीले गौरीगंगा नगरपालिमा निजी शिक्षकको सवालमा निकै समस्या रहेको उल्लेख गर्दै नगरले यो बिषयमा ध्यान नदिएको बताए । त्यस्तै मौरीपालन महासंघका केन्द्रिय महासचिव मोहन खनालले गौरीगंगा नगरपालिकालाई चुनावको समयमा मोरीपालनको पकेट क्षेत्र घोषणा गर्ने भने पनि अहिले सम्म कुनै पहल नभएको बताए । त्यस्तै पत्रकार खगेन्द्र जैसी, घनश्याम पौडेल र दिनेश दहित लगाएतले त्यस क्षेत्रका नागरिकहरु संग जोडिएका समस्याहरु बारे प्रश्न उठाउनुभएको थियो ।

गौरीगंगा नगरपालिकामा रहेका सरोकारवाला नागरिकहरुले शिक्षा,स्वास्थ्य,कृषि र बिकास निर्माण देखि नगरका हरेक गतिबिधीहरु टेलिफोन सेवा,बिजुली बत्ति, पसु चौपाया, युवा दुव्यसनी, खेलकुद लगाएत जन चासोका बिषयको बारेमा नगर प्रमुखलाई प्रश्न गरेका थिए । उठेका प्रश्नहरुको जवाफ दिदै नगर प्रमुख देउवाले समस्या समाधान गर्न आफु प्रतिबद्ध भएको बताए ।

उनले साझा सभामा नगरबासीका रचनात्मक सुझाव सल्लाह आएको यसलाई सकारात्मक रुपमा लिएको बताए ।
एफएमडिसीले नितिगत रुपमा उठाउदै आएको थारु समुदायमा देखिने सिकलसेल एनिमिया रोगको बारेमा नगरपालिकाले शिबिर सञ्चालन गर्ने समेत उल्लेख गरे । कार्यक्रममा वडा नम्बर ९ का वडा अध्यक्ष हरिप्रसाद तिवारी,११ का वडा अध्यक्ष बिनोद कुमार चौधरी,७ का वडा अध्यक्ष दलबहादुर कुमाल लगाएत स्थानिय जनप्रतिनीधिहरुको सहभागिता रहेको थियो ।

स्थानिय सभाका संयोजक लिलाधर न्यूरेको अध्यक्षतामा सम्पन्न भएको कार्यक्रमको बारेमा एफएमडिसीका कार्यक्रम संयोजक ओम जोशीले जानकारी दिनुभएको थियो भने कार्यक्रमको सञ्चालन अभियान अधिकारी निराजन परियारले गर्नुभएको थियो ।