मालती कठायत,  डोटी २ असोज । केआईसिंह गाउपालिकाको वडा नं. ५ मा सामाजिक जवाफदेहिताका औजारहरुबारे दुई दिने अभिमुखिकरण कार्यक्रम मँगबार बाट सुरु भएको छ ।

अभिमुखिकरण कार्यक्रममा जनप्रतिनिधी, कर्मचारी, नागरिक समाजका अगुवा, प्रधानाध्यापक , नागरिक समाजका अगुवा लगायतको उपस्थिती रहेको वडा सचिव गौरीदक्त जोशीले जानकारी दिनुभयो ।

सार्वजनिक कार्यालयहरुलाई सुशासनमैत्री बनाउनका लागि स्थानियलाई सक्रिय पार्न कार्यक्रमको आयोजना गरिएको बताइएको छ । यूएसएड तथा एफएचआई ३६० को सहयोगमा एफएमडीसीले संचालन गरिरहेको पारस्परिक जवाफदेहिता परियोजनाले कार्यक्रमको आयोजना गरेको हो ।

आजबाट सुरु भएको तालिमममा वडाअध्यक्ष रामचन्द्र राणाले नया“ संरचनामा आइसकेपछि स्थानिय तहहरुले योजना छनोट गर्ने नितीगत ब्यवस्थाबारे सहभागिहरुलाई जानकारी दिनुभएको थियो । उनले नितीगत रुपमा योजना छनोटका लागि पार गर्नु पर्ने ७ चरणहरुबारे जानकारी दिदै वडाध्यक्ष राणाले त्यसबारे सचेत र जागरुक हुन सहभागिहरुलाई समेत आग्रह गर्नु भयो । अभिमुखिकरण कार्यक्रमका सहभागिहरुले पछिल्लो समय समाजमा भ्रष्टाचारले सीमा नाघ्दै गएकाले सार्वजनिक निकायहरुलाई पारदर्शि र जवाफदेही बनाउन सबै लाग्नु पर्ने प्रतिक्रिया दिएका थिए ।